Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Gjyshi i tij përcillet sot për në banesën e fundit, djali i Hashim Thaçit: Babin nuk e lejuan t’i hidhte një grusht dhe mbi varr, ja çfarë biseduan në takimin e fundit
M.B.Përditësimi i fundit 18 Mars 2025, 13:13
KOSOVA- Babai i ish-presidentit të Kosovës Hashim Thaçit, Haxhi Thaçi përcillet sot për në banesën e fundit. Djali i Hashim Thaçit, Endrit Thaçi, gjatë homazheve për gjyshin e tij ka treguar se nuk u dorëzua asnjëherë përballë sëmundjeve, sepse shpresa për ta takuar ish-presidentin dhe bashkëluftëtarët e tij në Hagë, ishte më e madhe sesa dhimbja e sëmundjeve.
Ai gjithashtu ka treguar bisedën e fundit që pati ish-presidenti i Kosovës me të atin në spital, para se të ndërronte jetë. Endrit Thaçi tha se atë ditë bashkëbisedimi zgjati tri. Ai tha se që të dy e kërkonin lirinë, çlirimin, dhe vdekjen e shpejtë të gjyshit e pa në fytyrën e babit kur doli nga spitali.
Të nderuar miq, familjarë dhe miq dhe gjithë ju të pranishëm. Faleminderit nga zemra për ngushëllimet. Në emër të familjes, në emër të babit, ju falënderoj për mbështetjen. U jemi mirënjohës të gjithëve Gjyshi asnjëherë nuk është dorëzuar përballë sëmundjeve. Shpresa për ta takuar babin dhe bashkëluftëtarët e tij në Hagë, ishte më e madhe sesa dhimbja e sëmundjeve.
Besimi në pafajësinë e tyre ishte më e hekurt sesa aktakuza e padrejtë. Në muajt e fundit, çdo orë, çdo minutë priste që t’ia hapte derën e spitalit. Nuk u dorëzua dhe u rikthye në jetë. Tri orë bashkëbisedim atë ditë, iu bënë tri orët më të rëndësishme të jetës së tij. Një bisedë babë e bir.
Që të dy e kërkonin lirinë, çlirimin, dhe vdekjen e shpejtë të gjyshit e pashë në fytyrën e babit kur doli nga spitali. Gjyshi, i mbijetoi të gjithë vuajtjeve dhe dhimbje që kaluam si popull, por këto 4 viteve nuk u mbijetoi vuajtjeve dhe dhimbjeve nga padrejtësia, një sëmundje e pashërueshme për njerëz të fortë, krenarë dhe me dinjitet. Dhe siç thoshte shpesh gjyshi, një vdekje pa u korit.
Gjysh, as sot nuk jemi korit. Fatkeqësisht babin nuk e lejuan të japë lamtumirën e fundit bashkë me ne sot, nuk e lejuan t’ia gjuajë një grusht të dheut të Drenicës mbi varr, por në vend të babit sot ka ardhur Kosova, Shqipëria, Maqedonia e Lugina. I madh dhe i përjetëshëm do të jetë kujtimi yt gjysh!
