Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
POLITIKE
Grupi i Partisë Demokratike, homazhe në nder të gjyqtarit të vrarë: Astrit Kalaja të shpallet “Dëshmor i Atdheut”
PiranjatPërditësimi i fundit 8 Tetor 2025, 11:26
Në homazhet që po mbahen në Pallatin e Kongreseve në nderim të gjyqtarit Astrit Kalaja, i cili u vra tragjikisht brenda sallës së Gjykatës së Apelit me tre plumba, morën pjesë edhe grupi parlamentarë i Partisë Demokratike.
Ndërkohë vrasja e gjyqtarit Kalaja është diskutuar sot edhe në Konferencën e Kryetarëve, ku kreu i grupit parlamentar të Partisë Demokratike, Gazment Bardhi, i ka kërkuar maxhorancës të nisë procedurat për shpalljen e tij “Dëshmor i Atdheut”.
Nga ana e saj, mazhoranca nuk është shprehur lidhur me këtë kërkesë. Edhe Partia e Lirisë ka dalë me qëndrim të njëjtë, duke kërkuar që Kalaja të shpallet “Dëshmor i Atdheut”, duke theksuar se ai u vra në krye të detyrës, në një institucion të drejtësisë, çka e bën ngjarjen edhe më të rëndë për shoqërinë dhe shtetin.
Ndërkohë, që prej orës 09:00 të mëngjesit të sotëm kanë nisur homazhet në nder të gjyqtarit Astrit Kalaja, i cili u vra me armë zjarri ditën e hënë, brenda sallës së seancave në Gjykatën e Apelit.
Që në orët e para të mëngjesit, në ambientet e Pallatit të Kongreseve, ku po zhvillohen homazhet, kanë mbërritur personalitete të shumta nga sistemi i drejtësisë dhe politika, për të nderuar figurën e tij. Të pranishëm në homazhe janë parë: prokurorë, kolegë, avokatë, si dhe përfaqësues të lartë të institucioneve dhe politikës shqiptare.
Homazhet në Tiranë do të përfundojnë në orën 11:00. Më pas, trupi i gjyqtarit Kalaja do të përcillet drejt qytetit të lindjes, Shkodër, ku do të mbahen homazhe të tjera nga ora 14:00 deri në 16:00, për t’u varrosur më pas në qytetin e tij.
