Izraeli dhe Libani kanë rënë dakord për zbatimin e një armëpushimi, njoftoi Departamenti Amerikan i Shtetit përmes një...
POLITIKE
“Plas” brenda PS-së/ Sara Mila: Taulant Balla dhe Arbjan Mazniku ishin të përgjumur në Elbasan
PiranjatPërditësimi i fundit 8 Tetor 2025, 11:19
Nga një “anonime”, në deputeten më të votuar në qarkun e Elbasanit, 30-vjeçarja socialiste Sara Mila, ka kritika të forta për përfaqësuesit e qytetit të saj ndër vite në Parlamentin e Shqipërisë.
Në një intervistë për “Radio Tirana” paraditen e së Mërkurës, Mile u shpreh se “investimet në qarqe duan një lobim pozitiv në qeveri. Por, konstatoj se, prej shumë vitesh, përfaqësuesit e Elbasanit në Parlament nuk kanë bërë sa duhet për të thithur investime të rëndësishme, që të rikthejnë shpresën tek të rinjtë. Ata kanë qenë të përgjumur”.
E ulur për herë të parë në sallën e Parlamentit, Mila u shpreh se “ka një garë mes qarqeve, për të prezantuar projekte e për të siguruar sa më shumë fonde për zonat e tyre. Elbasani ka qenë i përgjumur në këtë drejtim”.
Sara Mila nuk përmendi emrat e “përfaqësuesit e përgjumur socialistë të Elbasanit në Parlament”, megjithëse nuk është aspak e vështirë për t’i identifikuar ata.
Të paktën në 10 vitet e fundit, drejtuesit politikë të Partisë Socialiste në qarkun e Elbasanit kanë qenë Taulant Balla dhe Arbjan Mazniku. Këta dy personazhe vijojnë të jenë ende të fuqishëm brenda radhëve të socialistëve në pushtet.
Balla u rikthye në detyrën e kreut të Grupit Parlamentar Socialist, pra, edhe shefi politik i drejtëpërdrejtë i deputetes së re, Mile. Ndërsa Arbjan Mazniku do të drejtojë Komisionin Parlamentar për Reformën Territoriale, një pozicion shumë më i lartë se sa i një deputeti të thjeshtë, siç është Mile.
Sara Mila rezultoi kandidatja më e votuar në qarkun e Elbasanit në zgjedhjet parlamentare të 11 majit 2025.
Ajo u shpreh gjatë intervistës radiofonike se ky rezultat ishte pasojë e platformës dhe energjisë së saj, të prezantuar gjatë fushatës elektorale.
Partia Demokratike në opozitë ka deklaruar shpesh se Sara Mila, një personazh pa asnjë eksperiencë politike, “është investim i drejtëpërdrejtë i bandës kriminale të drejtuar nga Suel Çela”.
Kryedemokrati Sali Berisha ka akuzuar shpesh Edi Ramën dhe qeverinë e tij të majtë se “është i lidhur ngushtësisht me grupin e Çelës dhe banda të tjera të ngjashme në të gjithë Shqipërinë, për të siguruar vota e mbajtur pushtetin”.
