Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Harron ngrehinat te Piramida teksa theksonte mbështetje për inovatorët, kryeministri Raman vijon me premtimet e mbetura në letër
PiranjatPërditësimi i fundit 14 Tetor 2025, 12:39
Kryeministri e Edi Rama, në aktivitetin Hackathon-i Rajonal i Inteligjencës Artificiale 2025, në ditën e dytë të Forumit të Investimeve WB6- Bashkimi, ka folur për mbështetjen e inovatorëve dhe startup-eve, duke u shprehur se do të krijohet një hapësirë e përbashkët për ta, me në qendër Agjencinë e Ekselencës, e themeluar së fundmi. Sipas tij, qëllimi është të hapen dyert e institucioneve për të rinjtë inovatorë, që të kenë mundësi të aksesojnë të dhëna, statistika dhe të krijojnë modele të reja të bazuara në inteligjencën artificiale.
“Do krijojmë një akselerator shumë të fuqishëm të Inteligjencës Artificiale... me këtë sinergji do të mundohemi që çdonjërit brenda institucioneve qendrore t’i zgjerojmë trurin përmes inteligjencës artificiale,” tha ai në një deklaratë që më shumë tingëllonte simbolike sesa konkrete.
Por, premtimet për mbështetje ndaj inovatorëve nuk janë të reja. Kujtojmë që vetë kryeministri kishte premtuar me bujë se Piramida e Tiranës do të shndërrohej në një qendër inovacioni dhe teknologjie, ku të rinjtë do të krijonin, kodonin dhe ndërtonin të ardhmen e tyre.
Sot, Piramida është kthyer më së shumti në një ngrehinë me bare dhe lokale, ku pjesa më e madhe e hapësirës shfrytëzohet për biznese dhe jo për zhvillim teknologjik, një tjetër premtim i mbetur në letër, ndërsa realiteti tregon shfrytëzimin e hapësirave publike nga sipërmarrës të ndryshëm.
Ndërkohë, në vend të rezultateve konkrete për të rinjtë e sektorit të teknologjisë, qeveria vazhdon të flasë për “akses të dhënash” dhe “akseleratorë të AI-së”, ndërsa vetë startup-et shqiptare përballen me mungesë financimi, pa mbështetje institucionale dhe një ambient të vështirë operimi.
