Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Ligji '7501' shkakton debat te Komisioni Ligjeve/ Kaso-Lamallarit: Duhet të kërkosh ndjesë publike! Ministri: Deklarata ime është interpretuar jashtë kontekstit
PiranjatPërditësimi i fundit 14 Tetor 2025, 10:47
Një deklaratë e mëparshme e Ministrit të Drejtësisë, Besfort Lamallari, në Kuvend lidhur me ligjin 7501 është bërë sot shkak për debat në Komisionin për Çështjet Ligjore, gjatë raportimit të ministrit mbi punën vjetore të institucionit që drejton.
Ministri Lamallari ishte shprehur më herët se ligji 7501, një nga ligjet më famëkeqe për pronësinë në Shqipëri, ishte miratuar nga Partia Demokratike, deklaratë që deputeti demokrat Ivi Kaso e cilësoi si të pavërtetë dhe dezinformuese.
“Besoj se kjo seancë duhej të niste me një ndjesë publike. Ministri, në një deklaratë publike, ka pretenduar se ligji 7501 është miratuar nga PD, çka nuk është e vërtetë. Ai ka dezinformuar opinionin publik. Nuk është kapur nga opozita, por nga media. Kjo nuk është një deklaratë politike e një individi, por e një përfaqësuesi të institucionit më të lartë të drejtësisë. A mendoni, zoti ministër, se i detyroheni një ndjesë publikut?”, u shpreh Kaso.
Në përgjigje, ministri Lamallari mohoi të ketë dezinformuar dhe sqaroi se i ishte referuar një deklarate të vitit 2014, ku sipas tij është marrë përgjegjësia për atë ligj.
“Nuk kam dezinformuar kurrë publikun në asnjë deklaratë. Kam 8 vite e gjysmë pjesë e kësaj qeverie dhe gjithmonë i jam referuar fakteve. Në këtë rast kam cituar një intervistë të 11 shkurtit 2014, ku merret përgjegjësia për atë ligj. Deklarata ime është interpretuar jashtë kontekstit. Shqipëria europiane nuk mund të jetë vend i ligjeve të papërshtatshme për standardet e BE-së,” theksoi ministri.
