Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
POLITIKE
''Harta gjyqësore u bë për rehatinë e prokurorëve''/ Deputeti Saimir Korreshi: Sistemi në kolaps!
PiranjatPërditësimi i fundit 30 Tetor 2025, 14:13
Deputeti Saimir Koreshi ka lëshuar akuza të forta në drejtim të Këshillit të Lartë të Prokurorisë (KLP) dhe funksionimit të sistemit të drejtësisë pas implementimit të hartës së re gjyqësore. Gjatë fjalës së tij në Kuvend, Koreshi e cilësoi hartën një dështim total që ka çuar sistemin në kolaps, ndërsa ngriti alarmin se prokurorët po arrestojnë avokatë në salla gjyqi në vend që të hetojnë skandale si ai i spitalit Onkologjik.
Duke shprehur mosdakordësinë e plotë me përgjigjet e dhëna nga drejtuesja e KLP-së, deputeti deklaroi se tre vite pas miratimit të hartës territoriale, ende nuk ekziston asnjë studim mbi ecurinë e saj.
Sipas Korreshit, i vetmi qëllim i kësaj reforme ishte "për të sjellë prokurorët të jenë afër shtëpisë së tyre në Tiranë". Kjo, sipas Koreshit, ka shkaktuar kaos në prokuroritë e tjera, duke e çuar sistemin në "kolaps" dhe duke e kthyer punën "çorap". Ai përmendi situatën e rëndë me dosjet e prapambetura, ato që "kanë rënë mbrapa dollapëve" dhe qytetarët që mbahen me masa sigurimi për më shumë se tre vite.
Një ndër pikat më të rënda të denoncimit ishte ajo që ai e cilësoi si "ngjarje e rëndë". Koreshi akuzoi se prokurorët kanë filluar të arrestojnë avokatë brenda sallave të gjyqit, një veprim që e quajti "gjëja më e shëmtuar që mund të ndodhë në një shtet të së drejtës".
Deklarata e plotë:
"Faleminderit kryetar. Atëherë, mbi përgjigjet që dha dhe kryetarja e KLP-së, absolutisht nuk jam dakord. Është e papranueshme që KLP-ja akoma nuk ka, sot e tre vite e kusur që e kanë bërë hartën territoriale, nuk ka asnjë lloj studimi se si po shkon kjo ecuri.
Pra një lloj krahasimi me çka ka ndodhur dhe unë e kam kuptuar në gjenezë që të gjithë ajo ka qenë thjesht për të sjellë prokurorët të jenë afër shtëpisë së tyre në Tiranë.
Asgjë më tepër s'ka ndodhur sepse i gjithë sistemi tjetër është ka kaluar në kolaps dhe është bërë punë çorap. Nuk hap, po të shkosh sot nëpër prokurori, përveç dosjeve të marta, dosje prapë të trajtuara, dosjet që i kanë rënë mbrapa dollapëve që nuk i gjejmë, shikon njerëz me masa sigurimi mbi tre vite e kusur, vazhdojnë detyrim paraqitje, detyrim paraqitje mbi tre vite.
Kjo është e papranueshme në një sistem që, që ta quaninim elitar. Ëh, një gjë tjetër që është sot më e papranueshme, ëh, ka shumë e shumë që do t'i them në fjalën time, por sot gjej rastin sepse kam pasur ëh, prokurorët dhe i drejtohem KLP-së, duhet të rrisin efiçencën mbi ato që ndodh në këtë vend.
Dhe një ngjarje tjetër e rëndë që ndodh sot në këtë vend, në vend që prokurorët fillojnë të arrestojnë avokatët në sallat e gjyqit, gjëja më e shëmtuar që mund të ndodhë në një shtet të së drejtës, ku prokurori duhet të jetë në të njëjtin krah, përballë, në të njëjtin nivel me avokatin, ndodh e kundërta.
Duhet të merret kryesisht me të arrestuar këta. Sot kjo është një foto, foto që ndodh sot në spitalin onkologjik. Shiko ku i marrin njerëzit, njerëzit ku i marrin, për këtë do të hyjë prokuroria të vetë operojë kryesisht.
Janë duke i marrë nëpër barela, nëpër, nëpër karroca, nëpër karrige, përdhe, duke i marrë ndihmën mjekësore dhe duhet të shikojmë mbi raportin e KLSH-së, atë të shikojnë çfarë ka ndodhur me këtë sistem. Si po vuajnë këta njerëz, kjo është ajo që ndodh sot në Shqipëri dhe jo të merren me arrestimin e avokatësh".
