Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Historia nuk mund të jetë arsye për të ndalur bisedimet!" Ndarja nga procesi i Shkupit, Rama: Trishtim për vëllezërit e Maqedonisë së Veriut, ndyshuan dhe emrin
M.B.Përditësimi i fundit 15 Tetor 2024, 11:45
LUKSEMBURG- Kryeministri Edi Rama tha sot nga Luksemburgu se ndihet i trishtë që Maqedonia e Veriut, ndyshe nga Shqipëria, nuk ka hyrë në fazën tjetër të procesit të integrimit në BE. Rama tha se historia nuk mund të jetë arsye për të ndaluar bisedimet e anëtarësimit për një vend, duke nënkuptuar ngërçin mes Maqedonisë së Veriut dhe Bullgarisë. Gjithashtu Rama shtoi se lidhur me procesin e integrimit, Maqedonia e Veriut ndryshoi dhe emrin e vet si shtet.
“Ndihemi vërtet të trishtë që vëllezërit tanë të Maqedonisë së Veriut, ende nuk kanë qenë në gjendje për të hyrë në këtë fazë të procesit dhe pse kanë qenë të parët tanë. Kur flas për poshtërimet tonë, që na janë refuzuar tri herë, ndihem në siklet sepse më duhet të mendo për poshtërimin e RMV. Ajo ndryshoi dhe emrin. I qëndroj ajo që i kam thënë për miqtë bullgarë. Histori nuk mund të jetë arsye për të ndaluar bisedimet e anëtarësimit për një vend”, tha Rama.
Nga ana tjetër, Komisioneri për Zgjerim, Oliver Varhelyi, tha se Shqipëria po ecën në rrugën e vetë sepse është proces që bazohet në meritë.
“Nëse Shqipëria dhe RMV do të ishin bashkë në një farë mënyrë, politikisht, sepse ligjërisht kurrë. Të dyja vendet e kanë nisur konferencën ndërqeveritare në mënyra të ndryshme. Nuk është e re që Shqipëria po ecën në rrugën e vetë sepse është proces që bazohet në meritë, e njëjta gjë vlen dhe për RMV. Bashkimi i vendeve kandidate do të thoshte që ne të komprometojmë apo lejojmë që të komprometohet parimet e meritës, që është një gur themel i kritereve të Kopenhagës”, tha Varhelyi.
