Vendi ynë do të vijojë të jetë nën ndikimin e masave ajrore të paqëndrueshme edhe ditën e enjte, duke sjellë...
AKTUALITET
I akuzuar për rrëmbimin dhe vrasjen e Jani Prengës, shtyhet seanca për “mbretin e kokainës”, Dritan Rexhepi
PiranjatPërditësimi i fundit 7 Maj 2025, 10:27
TIRANË- Seanca në Gjykatën e Posaçme ndaj Dritan Rexhepit dhe të pandehurve të tjerë është shtyrë ditën e sotme. Rexhepi akuzohet si porositësi për rrëmbimin dhe vrasjen e Jani Prengës. I pranishëm në seancën e sotme ishte dhe Aldo Majnishta i cili akuzohet për rrëmbimin e Prengës.
Seanca e radhës ndaj Rexhepit u caktua për në datën 21 maj ora 9:00. Ndërkohë që avokatët mbrojtës kërkuan kohë të njihen me provat që dy prokurorët e SPAK dorëzuan nga përgjimet e SkyECC.
Rrëmbimi dhe vrasja e Jan Prengës
Jan Prenga u rrëmbye në 17 janar 2020. Në nëntor 2020, SPAK sqaroi se nga hetimi kishte rezultuar se të pandehurit Dritan alias Gromos Rexhepi dhe Gentjan Funiqi (Doçaj) me precedentë penalë në fushën e narkotikëve, në fund të muajit dhjetor 2019 kanë urdhëruar rrëmbimin e viktimës Jani Prenga në Kamëz më 17 Janar 2020. Si bashkëpunëtorë në rrëmbimin dhe zhdukjen e Prengës akuzohen dhe Martin Bleta, Korado Keshteja, Artan Doçaj, Aldo Majnishta, Geraldo Martini dhe Altin Hajri, ky i fundit pronari i kompleksit “Golden Resort” në Shijak, ku u rrëmbye dhe u pa për herë të fundit Jan Prenga.
Për zbardhjen e ngjarjes së ndodhur më 17 janar në Kamzë, hetuesit shqiptarë zbuluan përgjimet telefonike nga Ekuadori, lidhur me sasinë e kokainë që do të transportohej nga Amerika Latine në Britani. Kokaina u mor për t’u transportuar nga vëllai i viktimës, Astrit Prenga, i cili nuk e dorëzoi kurrë dhe në formë hakmarrje u vendos rrëmbimi dhe më pas vrasja e Jan Prengës.
