Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Sulmi i rradhës i mirëorganizuar ndaj opozitës," Teliti: Dënimi politik i Salianjit, ‘thika e radhës në zemër’ për demokracinë dhe shtetin ligjor!
n.fPërditësimi i fundit 26 Shtator 2024, 19:19
Foto ilustruese
TIRANË- Nënkryetari i Këshillit Bshkiak të Tiranës, Dorjan Teliti ka reaguar në lidhje me vendimin për dënimin e Ervin Salianjit. Në reagimit e tij Teliti u shpreh se ky është një dënim poltik dhe se kjo është thika e rradhës në zemër për demokracinë dhe shtetin ligjor.
Më tej në reagim theksohet se ky akt i sotëm jo vetëm që është një shkelje e të drejtave të Salianjit si përfaqësues i qytetarëve në Kuvendin e Shqipërisë, por është gjithashtu sulmi i rradhës i mirëorganizuar ndaj opozitës, një sulm ndaj fjalës së lirë dhe një goditje ndaj të gjithë shqiptarëve që besojnë në demokraci.
DËNIMI POLITIK I SALIANJIT "THIKA E RRADHËS NË ZEMËR" PËR DEMOKRACINË DHE SHTETIN LIGJOR! Prej muajsh, ne po përballemi me një situatë alarmante. Pas arrestimit politik të Liderit të Opozitës, sot vjen edhe dënimi politik i deputetit të opozitës, njërit prej zërave më të spikatur denoncues dhe mbrojtës të interesave të publikut.
Ky akt i sotëm jo vetëm që është një shkelje e të drejtave të Salianjit si përfaqësues i qytetarëve në Kuvendin e Shqipërisë, por është gjithashtu sulmi i rradhës i mirëorganizuar ndaj opozitës, një sulm ndaj fjalës së lirë dhe një goditje ndaj të gjithë shqiptarëve që besojnë në demokraci.
Kjo tregon se liria e mendimit dhe e shprehjes po rrezikohet gjithnjë e më shumë. Ndaj të qëndrojmë të fortë e të bashkuar për të mbrojtur demokracinë në rrezik, të mbrojmë cdo zë që aspiron për një Shqipëri më të drejtë dhe më të lirë, një Shqipëri europiane. Nuk ka vendim apo arrest politik që të ndalojë uraganin e protestës, uraganin e ndryshimit!
