"I kam bërë thirrje SPAK..."/ Akuza e fortë e kandidatit të PD: Janë trafikuar votat brenda listës së PD, do e çoj në Prokurori

TIRANË- Kandidati i listës së hapur të Partisë Demokratike, në qarkun Durrës, Aulon Kalaja, ka bërë një denoncim të fortë këtë mbrëmje. I ftuar në Top Story, Kalaja tha se votat e tij janë manipuluar brenda kutisë, dhe akuzat i drejton brenda partisë së tij. Gjithashtu ai shprehet se i ka bërë thirrje SPAK, që telefonin e tij ta vinin në përgjim dhe të shihnin ka blerë vota.

Aulon Kalaja, ka dalë i dyti më i votuar në këtë listë, por pa siguruar një mandat, pasi i ka kaluar Arian Ndoja që ka deri tani 8209, ndërsa Kalaja 7255 vota.

“I kam bërë thirrje SPAK, që këtë telefon ta vinin në përgjim dhe të shihnin kam blerë vota. Këto janë vota të pastra, unë nuk i njoh njerëzit që më kanë votuar. E kam me konkurrentët brenda partisë, jo vetëm ma kanë vjedhur por dhe ma kanë trafikuar brenda kutisë, dhe për këtë do të bëjë kallëzim. Krimi është brenda kutisë, dhe i kam lënë vetë, që të shkojmë në prokurori se dikush duhet të bëhet shembull”, u shpreh ai.