Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Ilda Zhulali: Kemi kërkuar informacione në lidhje me pastrimin e Tiranës, por Veliaj fshihet për të mos dhënë llogari se nuk ka asnjë argument ligjor
n.fPërditësimi i fundit 13 Qershor 2024, 13:20
Ilda Zhulali
TIRANË- Anëtarja e Këshillit Bashkiak të Tiranës, Ilda Zhulali ka mbujtur ditën e sotme një konferencë për mediat së bashkë me Belind Këlliçin. Zhulali gjatë fjalës së saj ka deklaruar se, ka kërkuar informacion nga Erion Veliaj dhe bashkia e Tiranës në lidhje me pastrimin e Tiranës.
Sipas saj ata kanë kërkuar kontratat e administrimit të landifilldit të sharrës qe nga 2015, dhe të kompanive që ushtronin aktivitetin e riciklimit në landfill. Gjithashtu ata kanë kërkuar përllogaritjen e kostove për pastrimin e qytetit.
Ajo shtoi se për asnjë nga kërkesat nuk kanë marrë përgjigje, edhe pse ky është detyrim i qartë i ligjit për vetëqeverisjen vendore. Sipas saj refuzimi për përgjigje ka vetëm një arsye dhe ajo është se Veliaj nuk ka asnjë argument ligjor të justifikojë pse sot paguajmë 95 euro/ton mbetje për shërbimin e pastrimit, transportimit dhe trajtimit të mbetjeve, ndërkohë që sipas normativës botërore, procesi kushton jo më shumë se 38 euro/ton, siç shkruhet e zeza në të bardhë në studimin e Korporatës Ndërkombëtare të Investimeve.
DEKLARATA E ANËTARES SË KËSHILLIT BASHKIAK TË TIRANËS, ILDA ZHULALI:
Sot Bashkia e Tiranës, sipas të dhënave në projekt buxhetin e 2024-2026, paguan 29 euro/ton për trajtimin e mbetjeve, dhe rreth 17 milion euro në vit, ose rreth 66 euro/ton për pastrimin dhe transportimin e mbetjeve ne landfill.
Pra i gjithë procesi na kushton 95 euro/ton. Në studimin e IFC, përcaktohet se sipas normatives botërore, në një qytet me përmasa të ngjashme të Tiranës, shërbimi i pastrimit, transportimit dhe trajtimit të mbetjeve kushton 38 euro/ton, NDERSA Erion Veliaj paguan monopolin e inceneratorit dhe të EkoTiranës 95 euro/ton, pra 2.5 herë më shumë.
Këshilltaret demokratë i janë drejtuar Bashkisë Tiranë me kërkesa të vazhdueshme për informacion që nga shtatori i vitit të kaluar, dhe ende sot që flasim nuk kemi marrë asnjë përgjigje. I kemi kërkuar informacion për sasinë e mbetjeve të depozituara që nga vitit 2015;
I kemi kërkuar kontratat e administrimit të landifilldit të sharrës qe nga 2015, dhe të kompanive që ushtronin aktivitetin e riciklimit në landfill. Kemi kërkuar përllogaritjen e kostove për pastrimin e qytetit. Kemi kërkuar të dhënat financiare dhe investimet që janë kryer me paratë e buxhetit të Tiranës për kompaninë EkoTirana.
Kemi kërkuar informacion nëse kjo kompani ka kapacitete për të pastruar të gjithë bashkinë e Tiranës, pasi që prej këtij viti EkoTirana ka monopolin e shërbimit të pastrimit të qytetit. Kemi kërkuar informacion se çfarë do të ndodhë me EkoTiranën, pasi kompania aksionere me bashkinë e Tiranës, AGSM Holding, është në likuidim e sipër.
Për asnjë nga këto më sipër nuk kemi marrë përgjigje, edhe pse ky është detyrim i qartë i ligjit për vetëqeverisjen vendore. Refuzimi për përgjigje ka vetëm një arsye: Sepse Erion Veliaj nuk ka asnjë argument ligjor të justifikojë pse sot paguajmë 95 euro/ton mbetje për shërbimin e pastrimit, transportimit dhe trajtimit të mbetjeve, ndërkohë që sipas normativës botërore, procesi kushton jo më shumë se 38 euro/ton, siç shkruhet e zeza në të bardhë në studimin e Korporatës Ndërkombëtare të Investimeve.
