Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Integrimi në BE, Rama: Maksimumi duhet të ndodhë në 2030! Flamuri shqiptar duhet të ngrihet në Bruksel
n.fPërditësimi i fundit 26 Qershor 2024, 17:30
Edi Rama
TIRANË- Kryeministri Edi Rama gjatë mbledhjes së grupit parlamentar të PS-së u shpreh se synimi i tij është që Shqipëria të jetë pjesë e Bashkimit Evropian maksimumi në vitin 2030. Më tej Rama gjatë fjalës së tij u shpreh se flamuri ynë kombëtar është më i bukuri dhe duhet të ngrihet në Bruksel sa më parë. Ai më tej shtoi se dekada tjetër do ta gjejë Shqipërinë në tavolinën e Këshillit Evropian.
"Ne duhet të shkëlqejmë në këtë proces, sic bëmë atë procesin e diagnostikimit, duhet të shkëlqejmë dhe duhet të jetë ide fikse, që ne duhet ta ngremë flamurin kombëtar në Bruksel, duhet të ngrihet edhe ky flamur se është më i bukuri. Kjo duhet të ndodhë maksimumi në vitin 2030.
Dekada tjetër do ta gjejë Shqipërinë në tavolinën e Këshillit Evropian. Ky është misioni ynë, të gjitha të tjerat janë të rëndësishme, por të gjitha të tjerat nuk janë mjaft për atë që ne jemi zgjedhur dhe atë që i detyrohemi këtij kombi. Ata që nuk e kanë kuptuar akoma Pse-në e ngritjes së këtij komisioni sot të jenë të qartë se për cfarë bëhet fjalë. Nëse duan më shumë argumente le ta hapin lirin e madh se aty është faqe e dhimbje koke, për atë që duhet të bëjnë," tha ai.
