Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Integrimi në ngërç, Panariti: Interesat politike të Ramës, prevaluan mbi ato kombëtare!
PiranjatPërditësimi i fundit 18 Mars 2026, 18:48
Edmond Panariti
Ish-ministri Edmond Panariti ka deklaruar se procesi i integrimit të Shqipëria në Bashkimi Evropian është përballur me një bllokim serioz, duke humbur një moment të rëndësishëm gjeostrategjik të krijuar pas luftës në Ukraina.
Në një intervistë për “Syri TV”, ai theksoi se BE kishte krijuar një mundësi të favorshme për vendin, por kjo nuk u shfrytëzua siç duhet për shkak të zhvillimeve të brendshme.
“Për fat të keq, Shqipëria nuk arriti të shfrytëzonte një moment shumë të përshtatshëm për integrimin, sepse besoj e dini që lufta në Ukrainë, në një farë mënyre e solli përsëri në tryezë çështjen e zgjerimit të Bashkimit Evropian me anëtarë të rinj, biles me një imperativ të kohës, meqenëse praktikisht pasiguria që krijoi lufta dhe rreziku edhe për vetë unionin, doli si një diçka imperative, si një diçka në plan të parë zgjerimi dhe Bashkimi Evropian prej kësaj gjëje u tregua shumë bujar, ajo i ofroi Shqipërisë edhe përtej meritave hapjen e kapitujve, të gjithë kapituj u hapën në një kohë rekord dhe ishte një çast që Shqipëria duhet ta shfrytëzonte me zgjuarsi, me një mendim strategjik duke bërë ç'është e mundur që të gjitha ato që kërkoheshin në kuadrin e plotësimit të reformave në raport me kërkesat që vinin nga ‘acquis communautaire’ të realizoheshin në kohë, në mënyrë që të avancoheshin pastaj me çështjen e mbylljes një nga një të kapitujve”, u shpreh Panariti.
Ai theksoi se kjo nuk ndodhi për shkak të krizave të brendshme politike dhe përplasjeve institucionale:
“Gjë që për fat të keq nuk ndodhi, për arsye sepse vendi u fut shumë shpejt në një krizë, krizë midis pushtetit ekzekutiv dhe sistemit të drejtësisë me çështjen e zëvendëskryeministres Balluku. Mali i Zi ka avancuar me shpejtësi në mbylljen e kapitujve, por po kështu një shembull pozitiv në këtë drejtim është dhe Moldavia, e cila pavarësisht se ishin shumë prapa nesh në procesin e integrimit, po ecën me ritme jashtëzakonisht të shpejta edhe në deklaratat e fundit të Komisionit Evropian dhe posaçërisht të komisionerit për punët e jashtme, u vlerësua si një shembull pozitiv”, tha ai.
Sipas Panaritit, ndërkohë që Mali i Zi dhe Moldavia po avancojnë me ritme të shpejta në procesin e integrimit, Shqipëria ka mbetur në vendnumëro, e ndikuar nga problemet e brendshme dhe mungesa e progresit në reformat kyçe.
