Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Ishin diku te 100 mijë vota..."/ Nënkryetarja e LDK akuza të forta: Në zgjedhjet e 2021 Albin Kurti fitoi nga Vjosa Osmani!
b.zPërditësimi i fundit 8 Shkurt 2025, 21:43
Doarsa Kica
TIRANË - Nënkryetarja e LDK-së, Doarsa Kica, ka ngritur mbrëmjen e sotme akuza të forta kundrejt Albin Kurtit. Në një lidhje direkte për emisionin "Top Story Kica u shpreh se Kurti ka fituar nga Vjosa Osmani në zgjedhjet e 2021.
Kica shton se Kurti dhe lëvizja e tij nuk e kanë më mbështetjen e Vjosa Osmanit në zgjedhjet që pritet të mbahen nesër. Ajo shprehet se Lëvizja Demokratike e Kosovës është rikthyer në “bazë” dhe beson se do të arrijë një rezultat mjaft të mirë.
“Rezultatet e vitit 2021, nuk janë rezultate që dua t’i marrë parasysh si pikë reference të ngritjes tonë. Në vitin 2021 një pjesë e madhe e votave të asokohshme ishin vota për listën Vjosa dhe jo vota për listën Vetëvendosje. Ato ishin diku te 100 mijë vota. Kjo do të thotë që ata nuk e kanë më një person që në emër të përfaqësimit të diçkaje që nuk është Lëvizja Vetëvendosja mund të gjenerojë vota shtesë për ta. Për momentin Vjosa Osmani është presidente e vendit dhe nuk është pjesë e këtij procesi, por ajo që vlen të theksohet megjithatë është që LDK-ja ka arritur ta rikthejë votën e saj të humbur.
Arsyeja pse ka arritur ta rikthejë votën e saj të humbur ka të bëjë me faktin që ka reflektuar shumë. Dhe mbi këtë reflektim, i ka bërë të gjitha ato gjëra që i janë kërkuar nga elektorati i Lidhjes Demokratike të Kosovës.
Mendoj se është e rëndësishme që partitë duhet të shihet se si veprojnë edhe gjatë kohës që janë në opozitë, jo vetëm gjatë kohës që janë në pushtet. Në opozitë, LDK-ja është siguruar që t’i kthehet njerëzve, në terren, te njerëzit e saj. Flas për problemet, hallet, dhimbjet dhe hatërmbetjet, që t’i trajtojë ato.
As në vitin 2019, kur LDK-ja ka pasur një rezultat shumë të mirë, nuk i ka pasur strukturat e mobilizuara që ka sot. Strukturimi dhe organizimi nuk ka qenë as afërsisht me atë që është sot”, tha ndër të tjera Kica.
