Parlamenti grek ka miratuar një ligj që ndalon përdorimin e platformave të rrjeteve sociale nga fëmijët nën moshën 15 vj...
POLITIKE
“Jo vetëm ecje në bulevard”/ Këlliçi tregon si pritet të jetë protesta e opozitës
PiranjatPërditësimi i fundit 12 Nëntor 2025, 21:40
Deputeti demokrat, Belind Këlliçi, ka treguar mbrëmjen e sotme detaje mbi protestën e paralajmëruar të opozitës përpara Kryeministrisë. Këlliçi thotë se protesta do të ketë si moto largimin e menjëhershëm të Belinda Balluku, pas marrjes së saj si e pandehur nga SPAK ndërsa shton se problemi nuk qëndron vetëm te kjo e fundit por te i gjithë sistemi.
Ai thotë se protesta e opozitës nuk do të kufizohet vetëm me një ecje simbolike në bulevard
“Protesta e 18 nëntorit do të ketë si moto largimin e menjëhershëm të Belinda Ballukut. Ne kemi zhvilluar një protestë 44 javë me radhë përpara Bashkisë së Tiranës dhe ajo është anatemuara, na janë numëruar protestuesit, është bërë profilizimi i folësve dhe është ushtruar çdo lloj presioni për ta mbyllur atë protestë. Duhet kuptuar që këtu nuk kemi të bëjmë vetëm me Belinda Ballukun, por me një sistem të tërë.
Ajo ka kryer shkelje dhe ka urdhëruar vartësit e saj, këto janë fakte. Balluku është zyrtarisht përgjegjëse e institucionit që ka qenë autoritet kontraktor në këtë rast, nuk ka asnjë diskutim për këtë. Por, ajo i bën këto për llogari të Edi Ramës. Nuk na duhet vetëm ecje në bulevard. Do të kërkojmë me vendosmëri largimin e menjëhershëm të Belinda Ballukut", tha deputeti në emisionin “Oponencë”.
