Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Ka pasur një problematikë në ditët e para..."/ Rama nga Korça thirrje emigrantëve: Tani zarfet janë shpërndarë mos mungoni në takimin me historinë
PiranjatPërditësimi i fundit 5 Maj 2025, 19:37
KORÇË- Kreyministri Edi Rama gjatë takimit me qytetarët në Korçë u bëri thirrje të gjithë emigrantëve që të votojnë. Rama gjithashtu theksoi se ky është një takim me historinë dhe nuk duhet që kurrsesi të mungojnë. Kryeministri tha gjithashtu se problemi i pensioneve që prej vitesh mundon dhe stërmundon shqiptarët nëpër botë me marrjen e pasaportën europiane do të marrë fund.
“Ka pasur një problematikë me shpërndarjen e zarfeve në ditët e para. Tani zarfet janë shpërndarë dhe ju bëj thirrje ju shqiptarët e Greqisë që të mungoni në këtë takim me historinë dhe për një arsye më shumë. Shqipëria në BE dhe ajo pasaporta aty u jep fund një herë e përgjithmonë pritjeve dhe burokracive.
Mbi të gjitha u jep fund atij ankthi që ka filluar të shtrohet në zonat e shumë prindërve që kur ishin të rinj morën në krah me rrobat e trupit dhe e lanë me lot dhe djersë rrugën drejt Greqisë dhe sot kanë frikë a do të arrin pensionin dhe të gjithë kontributin që kanë dhënë atje. Pa shqiptarët Greqia nuk do të mbyllte dot krizat e veta. Për ta zgjidhur këtë problem me pensionet ne duhet të bëjmë një marrëveshjen me Greqinë, por kjo mund të dojë vite.
E bëmë marrëveshjen me Italinë pas shumë vitesh, sepse ja që mua më doli një motër e mirë atje në Romë. Por, në Greqi është shumë e vështirë dhe për qeverinë greke sepse ka shumë njerëz dhe kushton. Ama fati që na ka ardhur në dorë u jep mundësinë atyre dhe ne. Kjo është një pasaportë qytetarie dhe statusi të barabartë. Kjo pasaportë ka dhe njohjen automatike të njohjes të pensioneve”, tha Rama.
