Fluturojnë vezë dhe domate, disa persona mbahen të ndaluar: Në Tiranë protesta kundër një projekti ndërtimi në breg...
POLITIKE
Këlliçi në Washington: Lufta e SHBA ndaj karteleve të drogës dhe bashkëpunëtorëve të tyre, lajm i mirë për Shqipërinë
PiranjatPërditësimi i fundit 4 Shkurt 2026, 19:12
Deputeti i Partisë Demokratike, Belind Këlliçi, i cili ndodhet në Washington, ka reaguar në rrjetet sociale lidhur me angazhimin e Shteteve të Bashkuara të Amerikës në luftën kundër karteleve të drogës.
Sipas Këlliçit, vendosja e kësaj çështjeje në krye të axhendës së sigurisë nga SHBA përbën një lajm të mirë për Shqipërinë, duke theksuar rëndësinë e forcimit të partneritetit strategjik mes dy vendeve dhe nevojën për reforma reale që rrisin sigurinë dhe qeverisjen e mirë.
Reagimi i deputetit të PD, Belind Këlliçi:
Në Kongresin Amerikan me Kryetarin e Nënkomisionit për Qeverisjen Kongresmenin Pete Sessions, dhe Kongresmenin John R. Moolenaar, ku diskutuam për forcimin e partneritetit mes Shqipërisë dhe Shteteve të Bashkuara të Amerikës.
Shqipëria, si vend anëtar i NATO-s dhe vend kandidat për në Bashkimin Europian, duhet të përqendrohet në reforma reale që rrisin sigurinë, demokracinë dhe qeverisjen e mirë. Partneriteti strategjik me SHBA duhet të forcohet në prioritetet e përbashkëta.
Përkushtimi i SHBA për të vendosur në krye të axhendës së sigurisë luftën ndaj karteleve të drogës dhe bashkëpunëtorët e tyre, është një lajm i mirë për Shqipërinë./ PiranjatNews/
