Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
POLITIKE
Këlliçi: Një rekord evropian, protesta e 13 që bëhet përpara zyrës së një kryebashkiaku në Europë! Ne nuk do të tërhiqemi pavarësisht presioneve
n.fPërditësimi i fundit 21 Qershor 2024, 12:22
Këlliçi
TIRANË- Anëtari i Kryesisë së PD, Belind Këlliçi ka marrë një ditë të sotme në protestën e opozitës para Bashkisë. Këlliçi gjatë fjalës të tij u shpreh se kjo është protesta e 13 që bëhet përpara zyrës së një kryebashkiaku në Europë. Sipas tij Veliaj ka hyrë në historinë e e këtij qyteti si hajduti më i madh i taksave dhe i votave që ka pasur ndonjëherë ky qytet, si dhe personi që ka shkelur me këmbë dhe ka rrëzuar reformën në drejtësi.
Këlliçi tha se 170 ditë kryetari i opozitës në arrest pa fakte, ndërsa një hajdut si Veliaj është i lirë. Ai shtoi se nuk do të tërhiqen pavarësisht presioneve.
"Një mirënjohje e jashtëzakonshme për të gjithë qytetarët e Tiranës që vijnë në këtë protestë. E cila shënon një rekord evropian. Kjo është protesta e 13 që bëhet përpara zyrës së një kryebashkiaku në Europë, përpara zyrës së një hajduti që jo vetëm ka hyrë në historinë e e këtij qyteti si hajduti më i madh i taksave dhe i votave që ka pasur ndonjëherë ky qytet, por me talljen që ai po i bën SPAK-ut, me poshtërimin që po i bën çdo ditë Altin Dumanit personalisht, ky njeri ka hyrë në historinë tonë si personi që ka shkelur me këmbë dhe ka rrëzuar reformën në drejtësi.
Paratë Veliaj ia çon grua dhe dajës së gruas së tij. Altin dil deklarohu, ose lexo sahatin e ujit aty ku punon ose je prokuror e shtetit. 170 ditë kryetari i opozitës në arrest pa fakte, ndërsa një hajdut si Veliaj është i lirë. Ne nuk do të tërhiqemi pavarësisht presioneve”, tha ai.
