Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Këlliçi: Sokol Sadushi po përgatit daljen nga burgu të Erion Veliajt
PiranjatPërditësimi i fundit 24 Mars 2026, 13:53
Pas shpalljes me votë të Belinda Ballukut si e paprekshme në Kuvend, në skenë del një tjetër zhvillim që pritet të ndezë debat të fortë politik dhe publik.
Bëhet fjalë për një reagim të ashpër që vjen nga deputeti i Partisë Demokratike Belind Këlliçi, ku paralajmëron ekzistencën e një skenari të mirëorganizuar për lirimin nga burgu të kryebashkiakut të Tiranës, Erion Veliaj, përmes mekanizmave që, sipas pretendimeve, mund të garantohen vetëm nga pushteti.
Reagimi i plotë
Pas shpalljes me votë të Belindës si të paprekshme, përgatitet skenari për lirimin e kreut të 5D, Erion Veliajt!
Ekziston një skenar të mirëorganizuar që synon nxjerrjen e Veliajt nga burgu, sipas një skeme që mund ta garantojë vetëm pushteti.
Edhe pse me 13 akuza për korrupsion, fshehje pasurie e deri tek pastrim parash, po vihen në jetë shumë mekanizma që kryebashkiaku më i korruptuar në historinë e Tiranës të rifitojë lirinë.
Nisma e Kryetarit të Gjykatës së lartë për të dalë me një vendim tjetër unifikues që lidhet me masat e sigurisë me arrest me burg, këtë synon. Pioner Sadushi ka nisur procedurën dhe me 9 prill do të kemi një verdikt, motivuar gjasme me shqetësimin për teprimin me masat e sigurisë me arrest dhe për gjendjen e paraburgimit.
Eshtë e qartë se nisma e Sadushit do të sjellë lehtësi për Veliajn, e të tjerë zyrtarë të lartë e ministra të Edi Ramës që janë drejt qelisë për shkak të aferave korruptive.
Eshtë kjo arsyeja pse anikimimi i Veliajt në Gjykatën e Lartë u shty papritur dhe në të njëjtën kohë dolën dhe raportet e avokatëve të tij ndërkombëtarë në favor të lirimit. Ata do të paraqiten me rekurs, pasi të ketë dalë vendimi unifikues.
Pasi Sadushi me Kolegjet e Bashkuara të dalin me këtë vendim unifikues, jeta e shumë të korruptuarve do të lehtësohet.
Ama në burg do të vazhjdojnë të qendrojnë qytetarët e tjerë të zakonshëm që kanë bërë shumë më pak dëme se Veliaj dhe Edi Rama.
Kjo është një tjetër ndërhyrje për të dobësuar drejtësinë, e për të rritur imunitetin e paprekshmërinë e Kryeministrit dhe bashkëpunëtorëve të tij.
Nëse Belinda Balluku mbrohet me votë në Kuvend dhe Erion Veliaj del nga burgu me marifetet e Gjykatës së Lartë, atëherë beteja me korrupsionin në Shqipëri është humbur përfundimisht.
Ky është një komplot i organizuar kundër hetimit, kundër drejtësisë, kundër llogaridhënies dhe në favor të hajdutëve.
Një tjetër alarm, një tjetër thirrje që qytetarët të ngrihen, të bashkohen dhe të japin verdiktin për fatet e vendit që është kapur dhe po trajtohet si plaçkë nga Edi Rama.
