Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"Këneta televizive thotë se populli voton nga frika PS-në!"/ Rama sulmon mediat nga Lezha: Po si nuk e ngritën njëherë pyetjen, mos njerëzit janë në rregull dhe ne jo?
PiranjatPërditësimi i fundit 4 Maj 2025, 16:07
LEZHË- Kryeministri Edi Rama, ka zhvilluar një takim me qytetarët e Lezhë, në kuadër të fushatës përmbyllëse të 11 Majit. Gjatë fjalës së tij Rama sulmoi mediat duke thën se këneta televizive thotë se populli voton nga frika PS-në. Rama gjithashtu theksoi se ata thonë që popullit i ka hyrë frika në palcë dhe disa të tjerë thonë se populli është i sëmurë, ndërkohë që sipas Ramës, askush nuk e ka ngritur pyetjen, 'Mos vallë populli është në rregull dhe ne e kemi gabim?'
Kryeministri gjithashtu nuk i kurseu as batutat me drejtuesin politik të qarkut të Lezhës, Ulsi Manja, të cilin e kishte pyetur nëse ishte e vërtetë apo jo opinioni se populli e voton PS-në nga frika.
"Shumë nga ata që nuk do votonin për ne, thonë “do fitojë PS-ja”, se e dinë njerëzit; njerëzit janë vërdallë, e dinë edhe ata të kënetës këtu se kush do të fitojë në Lezhë, edhe e thoshin. Aty e humbën pinin komplet. Edhe, sipas tyre, thuhej se tani jemi në autokraci putiniane dhe nuk e paskemi kuptuar. Këtu frika ka hyrë kaq shumë në palcë, sa këtë milet kur e pyeske “si të duket situata?”, thotë “mirë” nga frika. Kur e pyeske “me kë do votosh?”, thotë “PS” nga frika. Kur e pyeske “si do jetë ekonomia?”, thonë “PS-në” nga frika.
Edhe kur e pyeske “kush do fitojë?”, më shumë thonë “do fitojë PS-ja”, i bie që këta janë tmerruar të gjithë. Mirë, unë kam një pyetje. Kam pyetur edhe Ulsiun, se këta dibranët kanë përgjigje për çdo pyetje, madje kanë tre përgjigje për të njëjtën pyetje dhe nuk di pastaj cila është ajo që do të marrësh për të vërtetë. Pyetja ime është: Mos vallë populli është në rregull dhe ne e kemi gabim?" tha Rama.
