Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Kërkesa e Belerit për ngritjen e shkollës së mesme në gjuhën greke, ja si përgjigjet Vangjel Tavo
E.DPërditësimi i fundit 6 Gusht 2024, 20:25
HIMARË- Kryetari i ri i Bashkisë së Himarës Vangjel Tavo i është përgjigjur eurodeputetit Fredi Belerit për kërkesën ne tij në lidhje me shkollën minoritare greke në Himarë. Në një intervistë për Top Channel, Tavo foli dhe për prioritetet e këtyre në këto tre vite të mandatit të tij.
Elda Menga: Ndërkohë një shkrim pas fitores tuaj e ka bërë dhe Fredi Beleri nga burgu ku ka pasur disa kërkesa për ju, duke nisur nga më kryesorja dhënia e titujve të pronësisë, ngritja e një shkolle të mesme për minoritarët në Himarë dhe ngritja e një shkolle turizmi.
Tavo: Çështja e dhënies së titujve është një angazhim personal i kryeministrit z.Rama ka nisur procesi i certifikimit të pronave dhe do përfundojë ditën që do ta marrë dhe banori i fundit i Himarës certifikatën e vet. Duke pasur parasysh çdo gjë tjetër që z.Beleri thekson padyshim që çdo gjë që është kompetencë e Bashkisë do vlerësohet dhe do zgjidhet konform ligjeve të shtetit shqiptar.
Menga: Kur të uleni në karrigen e kryetarit të bashkisë Himarë, cila do jetë detyra juaj e parë i juaji?
Tavo: Sigurisht prioritet është turizmi, ka dhe shumë punë të tjera që duhen zgjidhur, por turizmi është prioritet i prioriteteve.
