Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
Kërkoi zëvendësim të masës së sigurisë, Jamarbër Malltezi del nga GJKKO: Masat janë të pavlefshme, prokuroria e nënshtruar politikisht
r.llPërditësimi i fundit 13 Shtator 2024, 13:18
jamarber malltezi
TIRANË- Jamarbër Malltezi ka dalë nga ambjentet e Gjykatës së Posaçme, ku ka kërkuar ndryshim të masës së sigurisë të caktuar ndaj tij. Në deklaratën e tij për mediat, Malltezi tha se ishte njohur me digjilencën e katërt dymujore, ku sipas tij nuk përmendej askund asnjë fjalë për Sali Berishën.
Ai tha më tej se masat që u morën për kufizimin e lëvizjes ishin të paligjshme sepse nuk shkuan në Kuvend. Kështu sipas tij zëvendësimi i masës është nul. Seanca për dhënien e vendimit është shtyrë për në orën 14:30.
"Lista numër një e armiqve të komunisteve janë tre veta nga familja Begeja. Edhe në atë kohë si tani ishin shpallur armiq të komunistëve. Jemi armiq të komunistëve dhe jemi krenar për këtë gjë. Sot ishim në Apel. Në Apel nxorën sa i takon diligjencës së katërt dymujore. Në 4 diligjenca nuk ka asnjë fjalë për Sali Berishën. Sot u nxor diçka e re për gjykatën. Jemi në situatën ku ose masat e Berishës ishin të paligjshme ose janë të pavlefshme. Masat që u morën për kufizimin e lëvizjes, në rast se ishin kufizim liria janë të paligjshme sepse nuk shkuan në Parlament. SPAK tha jo nuk janë kufizim lirie, por e bukura është që nuk e ka zbatuar atë. Zëvendësimi i masë së pavlefshme është nul. Vendimi për lëvizjen është firmosur nga Edi Rama në qershor 2006, para Berishës që prokurorët thonë e ka firmosur në nëntor 2006. Në thelb është çështje e thjeshtë, u nis me kallëzimin e rremë nga Taulant Balla.", u shpreh ai.
Malltezi dhe Berisha u morën të pandehur nga SPAK dy ditë më parë, lidhur me hetimet për privatizimin e "ish-Kompleksit Partizani". Ata akuzohen për veprën penale "korrupsion pasiv kryer në bashkëpunim"
