Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Bardhi publikoi bisedat në Kuvend/ Avokatët e biznesmenit: Pëllumb Gjoka nuk ka qenë përdorues i Sky ECC! Kreu i grupit të PD të ndiqet penalisht
r.llPërditësimi i fundit 13 Shtator 2024, 11:10
avokatet
TIRANË- Ylli Manjani, avokati i biznesmenit Pëllumb Gjoka, i cili është vënë në pranga në kuadër të operacionit Metamorfoza, ka folur para SPAK për mediat. Sipas Manjanit, Pëllumb Gjoka nuk ka qenë përdorues i SKY, ndërsa për publikimin e bisedave të SKY ECC të lexuara dje në Kuvend nga Gazmend Bardhi, avokati tha se kreu i grupit të PD është jurist dhe nuk duhet ta bënte një gjë të tillë.
"Ne kemi 14 muaj që jemi në procese gjyqësore, jo për të goditur, por për të nxjerrë të vërteten. Ta lidhësh një kod të kodit Sky-ECC me Pëllumb Gjokën është kurajo shumë e madhe. Pëllumb Gjoka ka mohuar të jetë përdorues i përdorimit të Sky-ECC. Nuk ka asnjë gjurmë që të ligjin kodin në Sky-ECC me personin. Nuk ka asnjë gjurmë që të lidhë kodin në Sky-ECC me personin. Banesat e Pëllumb Gjokës janë kontrolluar me imtësi. Kemi 14 muaj që po merremi me këtë. Ata janë prova, janë të dhëna të marra në mënyrë haptazi të paligjshëm, janë përgjime masive që janë marrë në Francë nuk mund të përdoren në një proces gjyqësor. Rast i paprecedent ajo qe ka deklaruar Gaz Bardhi i cili është jurist. Pellumb Gjoka nuk ka patur Sky."- tha Manjani.
Ndërkohë, Gurali Brahimllari, avokati tjetër i biznesmenit Pëllumb Gjoka, në deklaratën para SPAK, kërkoi që kreu i Grupit parlamentar të PD Gazment Bardhi, të ndiqet penalisht.
Sipas përgjimeve të publikuara nga Bardhi, drejtorin e Policisë së Shkodrës, Edmond Sulajn, e ka vendosur Pëllumb Gjoka, duke i kërkuar favor një miku të Ministrit të atëhereshëm të Brendshëm që ishte Taulant Balla.
“E dija që ishe ekspert i inceneratorë, por që të ishe ekspert i mbetjeve të rrezikshme këtë nuk na i kishte marrë mendja. E meqë fole që zotrote ja di mirë punëve të shtetit, Rai të akuzoi që je i lidhur me krimin e organizuar. Unë po të pyes ;SI ta quajnë drejtorin e policisë së Shkodrës, e di emrin? Ta them unë kush ta ka emëruar.
Kodi pin i Sky ECC, DGLXJM: O vëlla ka llafe për atë mikun tënd ministër të Brendshëm. Di gjë ti?
Përgjigjet kodi sky 7142D9: Po por kam frikë se nuk e bën
Ndërhyn prapë kodi DGLXJM: Mua Mondi më duhet një dimër aty vëlla.", tha dje Bardhi në seancë.
