Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Koçiu u përgjigjet akuzave të opozitës: Cilësia e barnave është e certifikuar! Mos spekuloni
n.fPërditësimi i fundit 3 Dhjetor 2024, 13:13
Kociu
TIRANË- Ministrja e Shëndetësisë Albana Koçiu gjatë fjalës së saj në Kuvend kërkoi para votimit të buxhetit të rrëzohej amendamenti. Koçiu gjatë fjalës së saj gjithashtu i quajti të pavërteta akuzat e opozitës për mungesë të cilësisë së medikamenteve. Ajo theksoi se nuk duhet të spekulohet për cilësinë e ilaçeve.
Koçi shtoi se numri i barnave të rimbursueshme jo vetëm që nuk është ulur, por është rritur. Ajo tha se sa i përket cilësisë së barnave ka një kontroll zinxhir që e garanton. Sipas saj cilësia e barnave është e certifikuar, e verifikuar.
"Numri i barnave të rimbursueshme jo vetëm që nuk është ulur, por është rritur. Sa i përket cilësisë së barnave ka një kontroll zinxhir që e garanton. Faktorët që ndikojnë për të populluar listën e barnave me alternativa të reja ndikojnë një sërë faktorësh. Ka një procedurë. Në 2024, ne miratuam listën e re që u pasurua me 50 numrin e barnave të reja. Cilësia e barnave është e certifikuar, e verifikuar.
Kushdo qytetar që i dëgjon i vjen turp që dëgjojnë këtë histori. Mos spekuloni me cilësinë e ilaçeve. Lista e barnave të rimbursueshme pasurohet sa herë që miratohet. Prandaj propozoj që amendamenti të rrëzohet," tha ajo.
