Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
Koka: PD, betejë për zgjedhje të parakohshme, mekanizmi i vetëm për të ndryshuar regjimin
PiranjatPërditësimi i fundit 2 Tetor 2025, 19:03
Gazetari Bledian Koka, i ftuar në emisionin Task Force në Syri TV, foli mbi situatën politike aktuale dhe betejën e Partisë Demokratike për zgjedhje të parakohshme, duke theksuar se ky është objektivi kryesor i opozitës.
Koka theksoi se Partia Demokratike, edhe pse e pozicionuar në opozitë dhe e kufizuar nga institucione të tjera, ka për detyrë të luftojë për zgjedhje të reja, për të rikthyer sistemin demokratik dhe për të dalë përballë një regjimi që, sipas tij, nuk është transparent dhe ndonjëherë vepron jashtë kuadrit kushtetues.
Ai shtoi se pavarësisht pengesave, PD ka një detyrim të qartë: të ushtrojë presion për zgjedhje të parakohshme, të cilat, edhe nëse të shoqëruara me sfida dhe manipuluar ndonjëherë, mbeten mekanizmi i vetëm demokratik për të adresuar krizën politike në vend.
Pjesë nga deklarata:
Beteja kryesore e një partie në opozitë është të çojë vendin në zgjedhje të parakohshme. Beteja kryesore e PD-së është të çojë vendin në zgjedhje të parakohshme. Sot, PD dhe të gjitha forcat politike janë thirrur në kaos. PD nuk është Presidenti i Republikës, nuk është as ushtria sepse në vende që kanë ndjeshmëri kur shkelet Kushtetuta, del ushtria në rrugë.
PD nuk është asnjë nga këto; ka deputetë e saj në Parlament dhe ushtrojnë detyrën e tyre në mënyrë kushtetuese, por nuk e mbrojnë dot Kushtetutën kur shumica vepron ndryshe. Ajo që është e vetmja mënyrë për t’u përgjigjur janë zgjedhjet. Në Shqipëri, të gjithë e dimë që shpesh nuk janë zgjedhje, por vjedhje. Sërish, ato janë i vetmi mekanizëm demokratik që mund të përdoret si i tillë; t’u themi dhe qytetarëve që ne jemi vend i NATO-s demonstratat përmbysëse të regjimit nuk bëjnë punë. Duhet të veprojmë vetëm me ato mekanizma që kemi në dorë; nuk shpikim dot mekanizma të rinj për ndryshim dhe përballje me regjimin. Prapë tek zgjedhjet do të shkojmë, kurdo të ndodhin dhe sido të ndodhin.
Ka edhe një problem tjetër: zgjedhjet për pesë bashkitë ekzistuese janë të ligjshme. Tirana do të kthehet në kalin e betejës. Betejat e veta PD-ja i ka bërë.
Sot Veliaj, që ka dërguar dekretin kushtetues në Apel dhe në Gjykatën e Lartë, tha me fjalët e tij se “unë nuk jam më kryebashkiak”. Megjithatë, në thelb do të vazhdojnë betejat e tij. PD po bën veprimet e saj dhe po ngre zërin; sfida e respektimit të Kushtetutës nuk është vetëm e PD-së. PD nuk është zgjedhësi garant i Kushtetutës është një parti elektorale. Sot e vetmja gjë që PD ka në dorë është të kërkojë zgjedhje, kurdo që të jenë dhe sido që të jenë.
