Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Reformë zgjedhore e territoriale, cilat janë 5 riorganizimet që kërkoi Rama në Asamblenë e PS
PiranjatPërditësimi i fundit 11 Shtator 2025, 11:58
Kryeministri Edi Rama ka kërkuar që në 4 vitet e ardhshme, për Shqipërinë 2030, të ketë riorganizim dhe reformim të disa institucioneve, përfshirë dhe Kuvendin. Kryeministri tha se Kuvendi duhet të ketë më pak deputetë, duke propozuar që të bëhen ndryshime kushtetuese për të realizuar këtë objektiv.
Një tjetër çështje është ligji për Kuvendin. “Së dyti, Kuvendi miraton e nxjerr ligje për të gjithë, por nuk ka ende ligjin e vet, nuk ka pavarësinë e vet financiare, nuk ka statusin e deputetëve të vet, dhe madje Kuvendi është pa shtëpi”.
Gjithashtu, Kryeministri Rama kërkoi rishikimin e ndarjes administrative-territoriale.
Komisionet:
- Komisioni për Ekonominë, Punësimin dhe Financat – Qëllimi: sjellja e politikave të punësimit si përbërje organike e gjithë mekanizmit të ekonomisë. Sugjerohet të drejtohet nga shumica parlamentare.
- Komisioni për Çështjet Ligjore dhe Administratën Publike – Për ligje të standardit europian. Përmes këtij komisioni, Kuvendi kujdeset për hapat ligjorë të reformës së administratës publike. Sugjerohet të drejtohet nga shumica parlamentare.
- Komisioni për Çështjet e Brendshme dhe Mbrojtjen – Teksa përgatitemi për të qenë pjesë e hapësirës europiane, mbështet forcimin e kapaciteteve të sigurisë, si edhe bashkëpunimin me partnerët. Sugjerohet të drejtohet nga shumica parlamentare.
- Komisioni për Edukimin, Shkencën dhe Sportet – Vjen në vijim të rritjes së vëmendjes ndaj shkencës. Sugjerohet të drejtohet nga opozita.
- Komisioni për Shëndetësinë dhe Mirëqenien Sociale – Sugjerohet të drejtohet nga opozita.
- Komisioni për Burime Natyrore, Infrastrukturën dhe Zhvillimin e Qëndrueshëm – Sugjerohet të drejtohet nga opozita.
