Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Komisioni i Ankimeve dhe Sanksioneve rrëzon Celibashin, lejon votim në Kuvend për "Paketën e maleve” dhe “Tatimi mbi vlerën e shtuar”
M.B.Përditësimi i fundit 19 Shkurt 2025, 14:34
TIRANA- Komisioni i Ankimeve dhe Sanksioneve pranë KQZ vendosi me shumicë votash rrëzimin e vendimit të Komisionerit Shtetëror të Zgjedhjeve, Ilirjan Celibashit që i kërkonte Kuvendit ndalimin e shqyrtimit të projektligjit për "Paketën e maleve” dhe “Tatimi mbi vlerën e shtuar” për sektorin e bujqësisë. Me vendimin e sotëm, Kuvendi mund të vijojë me shqyrtimin dhe votimin e këtyre dy projektligjeve.
Dy ditë më parë në Komisionin e Ankesave dhe Sanksioneve, mbërriti ankimi me firmë të Sekretarit të Përgjithshëm të Kuvendit, që kërkonte prishjen e vendimeve të kreut të KQZ-së Ilirjan Celibashi të datës 11 shkurt, që kërkoi bllokimin e 2 nismave ligjore pasi sipas tij kishin efekt elektoral dhe mund të krijojnë perceptimin se qeveria përdor pushtetin për qëllime zgjedhore.
Sipas Celibashit, "Fusha e veprimit të dy projektligjeve, atij "Për paketën e maleve" dhe projektligjit "Për disa shtesa dhe ndryshime në ligjin nr. 92, datë 24.07.2014, "Për tatimin mbi vlerën e shtuar në Republikën e Shqipërisë" preknin politika të rëndësishme fiskale.
"Ndryshimet e propozuara kanë një ndikim të drejtpërdrejtë në sektorin ekonomik dhe atë tregtar, çdo veprim në këtë drejtim mund të dëmtojë parimin e barazisë mes aktorëve ekonomikë në prag të zgjedhjeve. Ato mund të krijojë perceptimin e përdorimit të mjeteve ligjore për qëllime elektorale.
Kufizimet, apo ndalimet e parashikuara në nenin 91, pika 4, të Kodit Zgjedhor mund të jenë penguese edhe kur vërehet që akti që kërkohet të shqyrtohet, apo miratohet nuk duket se do të përdoret për qëllime politike, apo elektorale. por është vetë ligjëvënsi ai që në këtë pikë e ka vlerësuar që për një kategori aktesh për periudhën 4 (katër) muaj përpara datës së zgjedhjeve ndalimi për miratimin e tyrë është i domosdoshëm.
Përjashtimin e ka bërë vetëm për rastet e gjendjes së fatkeqësisë natyrore" argumenton Celibashi vendimin e tij të marrë në datën 11 shkurt që i rekomandonte Kuvendit të mos përfshinte në shqyrtim në seancë plenare dy pr/ligjet", shprehej KQZ në kërkesën për pezullim të nismave.
