Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Komisioni Xhafaj merr kundërshtinë e Institucioneve të Drejtësisë, Prokuroria e Përgjithshme refuzon pjesëmarrjen
I.APërditësimi i fundit 4 Tetor 2024, 11:29
TIRANË- Prokuroria e Përgjithshme është bërë institucioni tjetër i drejtësisë që ka refuzuar ftesën për të marrë pjesë në Komisionin Anti-Korrupsion të drejtuar nga Fatmir Xhafaj. Në një reagim për mediat, Prokuroria e Përgjithshme ka theksuar se nuk do të marrë pjesë me ekspertë si pjesë të nëngrupit të punës së komisionit.
Prokuroria e Përgjithshme ka shprehur vullnetin të bashkëpunojë me Komisionin e Posaçëm Parlamentar “Për thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian” për çdo çështje të natyrës teknike që lidhet me kuadrin kushtetues e ligjor brenda të cilit funksionon prokuroria dhe sistemi i drejtesisë.
Prokuroria nuk do të marrë pjesë me ekspertë si pjesë të nëngrupit të punës së komisionit, por ka njoftuar komisionin për caktimin e pikave të kontaktit të institucionit sipas fushave përkatëse të ekspertizës, të cilët do të bashkëpunojnë me komisionin në formën e dhënies së opinioneve mbi produktet e punës së këtij të fundit në të gjitha rastet që do t’u kërkohet prej tij.
Në Komisionin, që drejtohet nga deputeti Fatmir Xhafaj, nuk ka marrë pjesë asnjë deputet i opozitës. Xhafaj, pas rekomandimeve të ambasadës amerikane, në kërkesën e tij drejtuar institucioneve që ushtrojnë funksione në fusha me risk për korrupsion të përcaktojnë përfaqësuesit e tyre që do të veprojnë pranë nëngrupeve të komisionit. Por institucionet e drejtësisë duke nisur nga Gjykata Kushtetuese, SPAK, ILD, Gjykata e Lartë kanë refuzuar ftesën e Kuvendit për tu bërë pjesë e Komisionit Anti-Korrupsion.
