Një qytetar i është drejtuar redaksisë me një denoncim lidhur me një situatë që, sipas tij, po ndodh në zonë...
POLITIKE
Konferenca e Kryetarëve me dyer të mbyllura, debate midis opozitës dhe mazhorancës/ Këlliçi: Po shkelni Kushtetutën, nuk duam trazira
PiranjatPërditësimi i fundit 17 Tetor 2025, 12:12
Gjatë Konferencës së Kryetarëve në Kuvend me dyer të mbyllura, deputeti i Partisë Demokratike, Belind Këlliçi, mësohet se ka akuzuar mazhorancën se po kufizon hapësirat për opozitën në parlament.
Këlliçi ngriti shqetësimin se, vetëm në një periudhë trejavore, mazhoranca ka përjashtuar dy herë kryetarin e grupit parlamentar të PD-së, duke i atribuar këto veprime urdhrave të kryetarit të grupit parlamentar të PS-së, Taulant Balla. Sipas tij, këto masa janë të qëllimshme dhe synojnë të mbyllin mundësitë e opozitës për të shprehur mendimet dhe shqetësimet e saj në Kuvend.
Ai bëhet me dije se ka thënë gjithashtu se opozita nuk ka për qëllim të krijojë trazira.
Këlliçi:
Po ngushtoni hapësirat që ka opozita në Kuvend. Kjo është anti-kushtetuese dhe e patolerueshme. Opozita nuk kërkon trazira dhe nuk është për jo-normalitet, por po na e impononi ju reagimin e fortë. E impononi ju me shkeljen e Kushtetutës.
Ju donit dje të ndryshonit traditën e pyetjeve për institucionet e pavarura, për shkak se keni hallin kur të raportojnë institucionet e drejtësisë. Keni frikë nga pyetjet e opozitës për ato institucione dhe për drejtuesit e drejtësisë.
Sa i përket rregullores dhe respektit të hapësirës së opozitës, mjafton të ju them se në 3 javë ke përjashtuar 2 herë kreun e grupit të PD-së, me porosi të Ballës.
