Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
POLITIKE
"Të udhëhiqet nga rekomandimet e OSBE/ODIHR dhe 'Venecias''/ Ambasadori i BE për Komisionin e Posaçëm për Reformën Zgjedhore: Procesi të jetë gjithëpërfshirës
PiranjatPërditësimi i fundit 17 Tetor 2025, 11:07
Ambasadori i Bashkimit Europian në Shqipëri, Silvio Gonzato, ka shprehur mbështetje për komisionin e përbashkët parlamentar për reformën zgjedhore, duke e konsideruar këtë si një pjesë të rëndësishme të një pakete nismash që synon vlerësimin e mjedisit të përgjithshëm zgjedhor, jo vetëm të kuadrit ligjor.
Gonzato theksoi rëndësinë e adresimit të sfidave që kanë ekzistuar jo vetëm në të kaluarën, por edhe atyre që mund të lindin në të ardhmen. Ai u shpreh se ky proces duhet të bazohet në rekomandimet e institucioneve ndërkombëtare si OSBE/ODIHR dhe Komisioni i Venecias, për të siguruar një proces zgjedhor të drejtë, transparent dhe të besueshëm.
Silvio Gonzato, ambasador i BE:
Do të krijohet një komision i përbashkët parlamentar për reformën zgjedhor së bashku me nismat e tjera që kanë për synim për të vlerësuar mjedisin e përgjithshëm, jo vetëm kuadrin ligjor, që mund të ndikojë në fushën, është e barabartë ajo për zgjedhjet që sipas OSBE ODIHR ka munguar, por tregon edhe fakti që është kuptuar që ekziston nevoja për tu përballur me sfidat e të shkuarës dhe të së ardhmes.
Ne në BE mirëpresim këto hapa dhe inkurajojmë që të keni një proces gjithëpërfshirës të bazuar tek faktet, të udhëhequr nga OSBE ODIHR dhe rekomandimet e Komisionit të Venecias.
KQZ ka ndërmarrë hapa të rëndësishme pas një analize pas zgjedhjeve me propozime për të fuqizuar transparencën, efikasitetin në proceset e ardhshme zgjedhore. Ne i mbështesim plotësisht këto propozime.
