Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
Konfikti i dhunshëm në qendrën e votimit në Pogradec/ Policia arreston edhe dy nipërit që dhunuan familjarët e komisionerit, shpallen në kërkim 4 të tjerë
m.lPërditësimi i fundit 11 Maj 2025, 20:06
POGRADEC- Një konflikt është regjistruar gjate ditës së sotme në një qendër votimi në Pogradec, ku është dhunuar një nga komisionerët e PS-së dhe është vënë në pranga autori 63-vjeçar. Mësohet se janë vënë në pranga nga policia edhe dy nipërit e autorit pasi dhunuan familjarët e komisionerit pak çaste pasi ndodhi sherri. Bëhet me dije se është arrestuar nga policia këtë pasdite 23-vjeçari me inicialet A.T dhe 58-vjeçari me inicialet R.T.
Mbi të arrestuarit rëndojnë veprat penale 'goditja ndaj pjesëtarëve të familjes së personit që kryen një detyrë shtetërore' dhe 'plagosja e lehtë me dashje'. Sakaq policia ka shpallur në kërkim edhe katër persona të cilët janë; D. M., 30 vjeç, E. M., 35 vjeç, R. T., 37 vjeç, si dhe L. K., 34 vjeç.të tjerë si të dyshuar se janë përfshirë në këtë ngjarje.
Në vijim të informacionit të dhënë sot ku në qendrën e votimit nr.3901, shtetasi L. T., tashmë i arrestuar nga Strukturat e Posaçme për Hetimin e Krimeve Zgjedhore në DVP Korçë, dhunoi fizikisht komisionerin shtetasin E. G, ju informojmë se:
Strukturat e Posaçme për Hetimin e Krimeve Zgjedhore në DVP Korçë, nën drejtimin e Prokurorisë kanë vijuar hetimet për identifikimin dhe arrestimin e personave të përfshirë në dhunimin e djalit dhe të bashkëshortes së komisionerit E.G, i cili u dhunua nga shtetasi L.T
Si rezultat i hetimeve u arrestuan në flagrancë shtetasit A. T., 23 vjeç, dhe R. T., 58 vjeç, banues në Pogradec për veprat penale ” Goditja ndaj pjesëtarëve të familjes së personit që kryen një detyrë shtetërore” dhe “Plagosja e lehtë me dashje”. Si dhe kanë shpallur në kërkim shtetasit D. M., 30 vjeç, E. M., 35 vjeç, R. T., 37 vjeç, si dhe L. K., 34 vjeç.
Nga hetimet dyshohet se këta shtetas rreth orës 13:00, kanë shkuar në afërsi të banesës së komisionerit shtetasit E. G., 52 vjeç, dhe kanë dhunuar djalin dhe bashkëshorten e tij. Vijon puna për dokumentimin e plotë ligjor të ngjarjes, si dhe kapjen dhe shoqërimin e shtetasve të shpallur në kërkim. Materialet procedurale i kaluan Prokurorisë për veprime të mëtejshme.
