Zyra e patronazhimit të PS-së në Tiranë/ Kadidatja e PD-së, Kalaja: Njoftuam policinë dhe vonuan 90 minuta! U dhanë kohën e nevojshme për të manipuluar provat e ktimit zgjedhor

TIRANË- Zyra e fshehtë e patronazhistëve tek rruga “Marko Bocari’ në Tiranë ka ngjallur tension deri në përplasje fizike mes mbështetësve të Partisë Demokratike dhe Partisë Socialiste. Ndërkohë opozita hedh dyshime se socialistët po përpiqen të zhdukin prova nga zyra që funksiononte si zyrë e fshehtë patronazhistëve socialistë.

"Një rast flagrant është dokumentuar pranë shkollës "Petro Nini Luarasi" ku administrata shtetërore në shkelje me ligjin dyshohen se zoterojnë materiale zgjedhore, pajisje elektronike dhe shuma monetare për të tjetërsuar vullnetin e votuesve. Tre përfaqësues zyrtare të Partisë Demokratike kanë njoftuar Policinë e Shtetit, e cila megjithëse zyra ndodhej në qendër të Tiranës ka vonuar mbi 90 minuta, duke iu dhënë kohën e nevojshme për të manipuluar provat e krimit zgjedhor. Narkoregjimi i Edi Rames dëshmoi edhe një herë fytyrën e tij.Në vendngjarje mbërriti zv/drejtori i policisë së Tiranës" deklaron Adriana Kalaja. 

Sakaq Belind Këllici kërkon të evidentohet stafi i patronazhistëve.  

“Nuk e di cila është arsyeja që një drejtoresha e agjencisë së inovacionit vë kapucin e ia fut vrapit me laptop me vete” thotë ai.