Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Konflikt interesi?/ Ministrja AI ‘Diella’ dhe kontratat e fshehta – Shqipëria nën hijen e interesave private të çiftit Blair
PiranjatPërditësimi i fundit 12 Shtator 2025, 15:18
Ditën e djeshme, kryeministri Edi Rama prezantoi për qeverinë e tij 4, “Diellën”, ministren më të re të krijuar nga inteligjenca artificiale, por që në fakt e “dekoroi” me pushtetin më të lakmuar. Atë të prokurimeve publike, ku brenda vitit në Shqipërinë tonë të vogël, kalojnë qindra tendera.
Rama u krenua duke e shitur këtë arritje, si pjesë të mandatit të katër, pasi “Diella” është e para ministre në botë me AI, por në fakt nuk është aspak kështu. Rezulton se qeveria Rama 4 po përdoret si kavje eksperimentale për interersat private personale të zotit Tony Blair.
Instituti Tony Blair e ka dekonspiruar vetë këtë të vërtetë të thjeshtë.
Në publikimet e tyre zyrtare ata thonë se në kuadër të fondeve që mbledhin nga institucione ndërkombëtare pjesë ekslusive të projektit kanë edhe projektin “Diella 2.0”. Shqiptarët duhet ta dinë se Blair e ka shndërruar Ramën në një kal të bindur i cili garanton fitimet dhe projektet private të britanikut dhe trajton interesat e Shqipërisë; sikur vendi të jetë bizhu personale e bashkëshortes së zotit Blair.
Ja pse:
Kjo nuk është hera e parë që Blair, i cili la zyrën në vitin 2007, ka punuar me Ramën. Kur socialistët erdhën në pushtet më 2013, Blair u punësua si këshilltar. Se çfarë nënkupton një punë e tillë, kjo është e paqartë, për shkak se kontratat nuk janë të disponueshme për publikun. Por, si qeveria shqiptare ashtu edhe Blair thonë se shërbimi vjen falas.
Gjithsesi, ish-kryeministri britanik nuk është i vetmi Blair që punoi për qeverinë shqiptare. Përgjatë të njëjtës periudhë, një kompani ligjore e drejtuar nga bashkëshortja e tij Cherie, mori qindra mijëra euro nga qeveria për shërbime të dhëna.
Një përkim i tillë vërehet se ka ndodhur edhe në Serbi. Dega në Shqipëri e Tony Blair Institute drejtohet nga David Stephenson, ka të regjistruar tetë punonjës dhe për vitin e parë të aktivitetit ka deklaruar në Qendrën Kombëtare të Biznesit të ardhura në vlerën e 9.1 milionë lekëve [rreth 94 mijë euro].
Në katin e tretë të “Torre Drin”, e deklaruar si adresa zyrtare e Institutit, nuk gjendet asnjë punonjës i saj, ndërsa zyrat përdoren nga një kompani kontabiliteti që ka për klient edhe “Tony Blair Institute – Albanian branch”. Nga të dhënat publike është e paqartë se çfarë shërbimesh konkrete ofroi kjo kompani për qeverinë shqiptare dhe sa i kushtoi taksapaguesve këto shërbime. Nga postimet publike të Tony Blair Institute duket se puna e tij lidhet më ngushtë me Agjencinë Kombëtare të Shoqërisë së Informacionit, AKSHI, por kjo agjenci mohoi të kishte një kontratë për kushtet e bashkëpunimit.
Ekspertë vendës thonë se kjo, dhe mungesa e transparencës në lidhje me kontratat me TBI, duhet të bëjnë që të bien kambanat e alarmit.
