Brenda pak muajsh, Irene Rogero Uges pa sjelljen e vajzës së saj 12-vjeçare, Rossella, të ndryshonte në mënyrë dramatike,...
POLITIKE
Kryeministri Rama sulmon sërish protestuesit: Ekstremistë që kërkojnë pushtet nga rruga
PiranjatPërditësimi i fundit 17 Qershor 2026, 12:36
Kryeministri Edi Rama ka reaguar në lidhje me protestën e djeshme, e cila ishte e 17-ta në radhë.
Ai ka ndarë një video, ku dhjetëra qytetarë protestojnë për padrejtësitë e qeverisë një “fan zone” të Botërorit në sheshin “Skënderbej”.
Ata vendosen para ekranit të madh dhe i bëjnë thirrje tifozëve që ndjekin ndeshjen që t’i bashkohen. Rama e etiketon këtë episod si ekstremizëm dhe intimidim.
“Një nga mësimet e vyera të historisë është se ekstremizmi e kërkon pushtetin duke filluar me rrugën.
Një grup vendos se ka të drejtë të frikësojë të tjerët për hir të atdheut. Britma zë vendin e argumentit. Rrethimi zë vendin e dialogut. Intimidimi paraqitet si aktivizëm dhe linçimi publik i tradhtarëve si drejtësi e Zotit në emër të popullit.
Kështu vepruan lëvizjet ekstremiste në Europën e paraluftës dhe kështu bëjnë edhe sot, duke e rritur eksponencialisht presionin mbi hapësirën demokratike falë rrugëve pa kontroll të internetit.
Kush nuk mendon si turma bëhet objekt i bullizmit masiv online, i fyerjeve, kërcënimeve, linçimit publik dhe fushatave të organizuara të damkosjes. Qëllimi nuk është debati. Qëllimi është heshtja. Të krijohet një klimë ku njerëzit zgjedhin të heshtin, jo sepse nuk kanë ç’të thonë, por sepse kostoja e të folurit bëhet shumë e lartë.
Historianët bien dakord se terrori i rrugës fillon me akte që duken “të vogla”, me sharje, intimidim, poshtërim publik, marshime rrugësh automobilistike dhe sulme të përzgjedhura ndaj individëve, ndërkohë që turma digjitale shumëfishon frikën dhe presionin.
Videoja më poshtë nga qendra e Tiranës mbrëmë flet vetë dhe është një tjetër pasqyrë ku mund të shihet çdokush që sheh qytetari demokratike në fjalorin e kësaj proteste, që nga tribuna e sharjeve, tek koret e linçimeve dhe ulërimat e marshuesve”, shkruan Rama.
