Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Kush do të jetë Kryeministër nëse PD fiton zgjedhjet? Berisha: Unë kam qenë dhe në ato vite kam patur të metat e mia, por...
M.B.Përditësimi i fundit 8 Maj 2025, 21:36
TIRANA- Kryeministri Sali Berisha u pyet sot se kush do të ishte kryeministër nëse koalicioni i tij fiton zgjedhjet. I ftuar në emisionin "Opinion" Berisha tha se ai ka qenë dhe unë në ato vite ka patur të metat e tij, por shtoi se ka lënë gjëra të mëdha. Kryedemokrati foli edhe për mundësinë që SHBA të heqë statusin "non grata" ndaj tij.
Berisha tha se njerëz të cilët janë marrë me çështjen e tij dhe pa asnjë kërkesë nga ai janë sot anëtarë kabineti të Presidentit Trump, të tjerë, shtoi ai, janë në funksione të rëndësishme. Gjithashtu Berisha shtoi se kjo nuk do të thotë se ai i ka takuar ata dhe i ka njohur.
Pjesë nga biseda në studio:
Gazetari: Sa pranë administratës së Trumpit jeni ju sot me njerëzit tuaj dhe studion e lobimit?
Sali Berisha: Presidenti Donald Trump qëndrimet ndaj meje i ka marrë vesh para se të bëhet President.
Gazetari: Është informuar për këtë çështje?
Gazetari: Ka pasur një reagim ndaj kësaj?
Sali Berisha: Kaq e kam mundësinë për të folur në këtë çështje.
Gazetari: Në administratën e sotme keni ju akses në njerëzit pranë tij?
Sali Berisha: Njerëz të cilët janë marrë me çështjen time dhe pa asnjë kërkesë nga unë janë sot anëtarë kabineti të Presidentit Trump, të tjerë janë në funksione të rëndësishme, por kjo nuk do të thotë se unë i kam takuar ata dhe i kam njohur.
Gazetari: A ju ndihmon kjo ju në zgjedhje?
Sali Berisha: Shqiptarët kuptuan të vërtetën më të madhe se pse qëndroi Sali Berisha. Edhe shqiptari i fundit që mund të ketë patur rezervën më të vogël, kur e dëgjon nga DASH se ky ka qenë vendim politik kundër opozitës shqiptare, e ka të qartë se unë mbrojtja interesat e tij dhe jo të miat.
Gazetari: Tani në këtë moment që ky vendim po vjen drejt heqjes, mund të gjenit një mundësi të tërhiqeshit dhe të linit një të ri për të kandiduar për Kryeministër.
Sali Berisha: Në betejën time kundër diktaturës së parë unë kisha një koncept; Kur shihja mbështetjen që kishte diktatura unë konsideroja psikologjinë e përgjithshme shoqërore një akullnajë. Dhe mendoja që duhet të bëjmë gjithçka për të shkrirë akullin dhe për të nxjerrë njerëzit nga ngrirja. Edhe këtu adhurimi për Amerikën ishte gjëja më e ligjshme. Kjo çliron mendjet, edhe mendjet e fundit të asaj që njerëzit mund të kenë menduar që jo nuk e ka të drejtë Berisha. Është një mbështetje shumë e fuqishme.
Gazetari: Tani që e përmbushët këtë hap të rëndësishëm, a mendoni që mund të tërhiqeni?
Sali Berisha: Të tërhiqem? Misionari tërhiqet vetëm nga një faktor, Zoti i madh.
Gazetari: Vetëm Zoti jo nga vota?
Sali Berisha: Vetëm Zoti tërheq një misionar. Zoti e tërheq misionarin. Misionari, Zotin nuk mund ta tradhtojë kurrë. Ai që nis një mision në kushtet më të pabarabarta, ai si shpresë dhe besim të vetën në radhë të parë ka Zotin.
Gazetari: Këlliçi këtu në studio 2 javë më parë deklaroi që ne nuk po luftojmë për të bërë Sali Berishën Kryeministër të Shqipërisë. Nuk do jeni ju Kryeministër po fituat?
Sali Berisha: Jo po luftojmë për misionin, edhe të gjithë këta po luftojnë për një mision. Ky është misioni.
Gazetari: Po fituat zgjedhjet, kush do jetë Kryeministër i koalicionit për Shqipërinë Madhështore?
Sali Berisha: Unë kam qenë Kryeministër dhe unë në ato vite kam patur të metat e mia, por kam lënë gjëra të mëdha.
