Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Lënda mund te ishte konfiskuar gjatë një prej bastisjeve!" Shpërthimi në Zubin Potok/ Vuçiç hedh dyshime mbi shqiptarët në Kosovë me qëndrimin e tij?
M.B.Përditësimi i fundit 2 Dhjetor 2024, 19:42
SERBIA- Presidenti serb, Aleksandër Vuçiç po përpiqet të devijojë rrjedhën e akuzave lidhur me shpërthimin e ndodhur në kanalin në Ibër-Lepenc në veri të Kosovës. Sipas Vuçiç duhet parë se kush përfiton nga këto akte për të mbërritur tek autorët. Ai pranoi se qeveria e vendit të tij ka disa dyshime për urdhëruesit dhe disa njohuri për zbatuesit, ndonëse u kujdes të shtojë se do të jetë hetimi përfundimtar që do të vendosë.
Ministri i Brendshëm i Kosovës, Xhelal Sveçla, ka deklaruar më parë se eksplozivi i përdorur në sulmin ndaj kanalit është e pamundur të gjendet në tregun e zi, nëse nuk furnizohet drejtpërdrejt nga depot e ushtrisë (serbe në këtë rast). Ndaj kësaj deklarate Vuçiç u përgjigj me ironi duke thënë se është “i sigurt” se bëhet fjalë për eksploziv ushtarak serb, “pasi mund te ishte konfiskuar gjatë një prej bastisjeve”, duke aluduar se shpërthimi mund të jetë organizuar nga në policia e Kosovës.
Autoritetet e Kosovës deri më tani kanë arrestuar disa persona të dyshuar për këtë rast dhe kanë sekuestruar armë dhe pajisje të tjera ushtarake gjatë operacioneve në veriun e Kosovës, të banuar me shumicë serbe. Sulmi ka ndodhur në fshatin Varragë të komunës së Zubin Potokut – komunë me shumicë serbe në veri të vendit. Policia e Kosovës ka thënë se sulmi është kryer me lëndë shpërthyese deri në 20 kilogramë.
Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj. Sulmi në Zubin Potok është dënuar ashpër nga faktori ndërkombëtar.
