Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
POLITIKE
Lirimi i Berishës/ "Arrestim politik!" Reagon Topalli: 350 ditë padrejtësie, rezistenca ndaj këtij regjimi të korruptuar vazhdon
ZH.LLPërditësimi i fundit 27 Nëntor 2024, 13:05
Topalli
TIRANË- Drejtuesja politike e Partisë Demokratike, Jozefina Topalli, ka reaguar pas vendimit të lirimit të kryeopozitarit, Sali Berisha. Përmes një postimi në rrjetin e soj social, Facebook, Topalli e konsideron lirimin e Berishës, si një dëshmi të forcës së të vërtetës dhe qëndresës.
Topalli u shpreh se Berisha jetoi 350 ditë padrejtësie, por sipas saj, kreu i opozitës nuk reshti kurrë së frymëzuari njerëzit për të rezistuar ndaj një qeverie të korruptuar. Sipas Topallit, arrestimi i Berishës ishte politik dhe u mbajt peng nga qeveria.
Më tej, Topalli thekson se rezistenca ndaj këtij regjimi të korruptuar vazhdon dhe populli nuk do të ndalet deri në rikthimin e lirisë dhe drejtësisë në Shqipëri.
“Sot, pas 350 ditësh padrejtësie, gjykata liroi kryetarin e opozitës, Sali Berisha.
Për 350 ditë, nga dritarja e qelisë, ai nuk reshti së foluri dhe së frymëzuari njerëzit për të rezistuar ndaj një qeverie të zhytur në korrupsion dhe skandale.
Arrestimi i tij ishte politik, një akt në shkelje të Kushtetutës dhe të çdo standardi të drejtësisë. Pa asnjë provë, ai u mbajt peng nga një pushtet që ka frikë nga zëri i qytetarëve dhe opozita e vërtetë.
Lirimi i tij sot është një dëshmi e forcës së të vërtetës dhe qëndresës. Por beteja nuk ka përfunduar! Rezistenca ndaj këtij regjimi të korruptuar vazhdon, dhe populli nuk do të ndalet deri në rikthimin e lirisë dhe drejtësisë në Shqipëri.
Forca e së drejtës është më e madhe se pushteti i padrejtësisë!” shkruan Topalli.
