Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Lista e zezë"/ Kërcënon Rama: Do e mësoni në Regjistrin Publik!
PiranjatPërditësimi i fundit 3 Tetor 2025, 11:56
Kryeministri Edi Rama foli së fundmi në lidhje ma ato që ai i quan “masat e marra nga qeveria për forcimin e kontrollit mbi territorin, mbrojtjen e hapësirave publike nga zaptuesit”.
Edhe sot Rama e vendosi theksin te ajo që ai e quan “lista e zezë”, duke thënë se ndërtuesit që kanë abuzuar nuk do të marrin leje për 5 vitet e ardhshme.
““Është një tjetër ky bllok, i cili hyn te ligji për kontrollin e punimeve të ndërtimit. Kemi dhe një tjetër bllok, që është blloku i ndryshimeve në ligjin për planifikimin dhe zhvillimin e territorit. Ku janë rregullimi dhe inventarizimi i hapësirave publike. Sot me këtë masë të re, hyn në fuqi, regjistrimi i hapësirës publike. Kur kemi një zhvillim të caktuar, mbi një pronë private, për një godinë. Çdo metër katror i asaj godine, është pronë publike dhe jo të ketë gardhe dhe leje të tjera për privatin, pasi vetë koncepti i përqindjes së shfrytëzimit të pronës, tregon se sa do të shfrytëzosh. S’mund të pretendojë askush se e ka pronën e vetë, pas i ka marrë të ardhurat si pjesë e investimit të vetë. Në asnjë hapësirë pallati apo ku është ndërtuar, asnjë biznes nuk ka të drejtë nëse nuk ka leje. Ajo pronë nuk tjetërsohet në aspektin që nuk shtetëzohet. Aty ku nuk ka leje ndërtimi, në ato prona, hapësira, të garantohet pastërti dhe siguri. Të mbjellë pemë, lulishte, në këto prona komunitare, por pa qëllim fitimi. Është e paimagjinueshme që në pak vite bëhemi pjesë e BE, të diskutojmë mbi disa principe themelore të funksionimit të një vendi demokratik. Nuk mund të vësh në emër të pronës një gardh rreth e qark dritares së katit të parë dhe të rrisësh bagëti! Më tutje është krijimi i regjistrimit kombëtar i lejeve të ndërtimit, që është databazë dixhitale kombëtare, ku do të regjistrohen lejet e lëshuara. Çka do të jetë një pikë referimi për të gjithë. Kudo ku ka një zhvillim, gjithsekush do të kontrollojë. Një tjetër masë është krijimi i listës së zezë për të mos aplikuar për leje ndërtimi nga ana e shkelësve. Lista e zezë do të përfshirje zhvilluesit dhe individëve ë kanë shkelur ligjin, administratorët, ortakët, pronarët përfitues, që do të përjashtohen nga marrja e lejeve të ndërtimit, për një periudhë 5 vjeçare. Kjo listë do të mbahet nga Sekretariati teknik i këshillit të territorit dhe ujit, do të jetë një regjistër publik i aksesueshëm nga të gjithë. Ky proces ndalimi do të thotë se nëse një subjekt ka kryer punime në kundërshtim të lejes së miratuar nga organi kompetent dhe ka shtuar apo ndryshuar dhe fasadën, këto shkelje pasohen me gjoba dhe ndëshkime të tjera, por e bëjnë subjektin, një subjekt të listët së zezë.”-deklaroi Rama.
