Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Listat e PS-së/ Rama: Kemi një skuadër që përfshin të gjitha moshat! Na janë bashkuar dhe disa që kanë kuptuar se nga pala tjetër s'vjen asgjë
b.zPërditësimi i fundit 17 Mars 2025, 10:22
Edi Rama
TIRANË - Kryeministri Edi Rama zhvilloi paraditen e kësaj të hëne një takim me kandidatët për deputetë të Qarkut të Tiranës. Rama u shpreh se në listat e PS-së janë kandidatë të të gjitha moshave dhe të dyja gjinive dhe kjo sipas tij është një mundësi e mirë e ofruar nga kjo forcë politike.
Kreu i qeverisë tha se në zgjedhjet e 11 Majit një karakterisitikë e re është ardhja e kandidatëve nga forcat politike kundërshtare të cilët sipas tij kanë kuptuar se nuk mund të vijë asnjë e mirë nga partitë ku kanë qënë ndaj dhe janë bashkuar me PS-në.
Rama: Kemi një skuadër që sot u jep të gjithëve mundësinë të zgjedhin. Kemi një skuadër ku të gjitha moshat, të dyja gjinitë kanë mundësi të gjejnë veten dhe të votojnë për veten. Ashtu si asnjëherë më parë PS ka një skuadër ku edhe më të rinjtë janë të mirëpërfaqësuar por ka edhe një karakteristikë të re, që në skuadrën e 11 Majit ne kemi në të gjithë ekipin tonë edhe një përbërje domethënëse të atyre që kanë kapërcyer nga njëra anë te tjetra dhe janë me ne pasi në një proces të gjatë ose më të shkurtër kanë parë se sa palidhje dhe sesa e kotë është që të besosh se mund të vijë diçka e mirë për vendin duke dalë për të kërkuar vota për ata që sot janë përballë nesh. Është i mirëpritur për mua sepse unë besoj që PS është shumë më e gjërë sesa perimetri i anëtarësisë së vet.
