Protesta e studentëve, së cilës i janë bashkuar edhe mbështetësit e Partisë Demokratike para Ministrisë së Arsimi...
POLITIKE
“Lubia ‘palos’ Palloshin e gjatë!”, Berisha zbulon telefonatën mes Ramës dhe Ballukut në mes të natës. Ja urdhri për kryeministrin
PiranjatPërditësimi i fundit 21 Nëntor 2025, 23:22
Në një postim në Facebook, Berisha pretendon se kryeministri Edi Rama fillimisht ka refuzuar të padisë në Gjykatën Kushtetuese vendimin e GJKKO-së në mbrojtje të Ballukut, por sipas tij, qëndrimi i Ramës ndryshoi pas një telefonate që Balluku i ka bërë në mesnatë.
Kryetari i Partisë Demokratike, Sali Berisha, ka reaguar sërish lidhur me çështjen e zv.kryeministres Belinda Balluku, pas vendimit të GJKKO-së që urdhëroi pezullimin nga detyra dhe bllokimin e pasaportës për akuzat mbi shkeljen e barazisë në tendera.
Sipas Berishës, “nga kacafytja 7-orëshe në zyrën e Ramës”, zv.kryeministrja ka arritur ta bindë kryeministrin duke i kujtuar se mesazhe të ndjeshme për “tunelin e Palloshit të gjatë”, por edhe komunikime të supozuara me Ervis Berberin, mund të bëheshin publike nëse ai nuk ndërhynte brenda ditës me një padi në Kushtetuese.
Berisha thotë se Balluku e ka vënë Ramën nën presion, duke e paralajmëruar se “pas saj, ai e kishte radhën”.
Postimi i plotë
Lubia ‘palos’ Palloshin e gjatë!
Nga kacafytja 7-orëshe mbrëmë në zyrën e Edi Ramës, del se Lubia e ‘palosi’ Palloshin e gjatë. Kapitullimin e Ramës, i cili për 7 orë nuk kishte pranuar të bëhej paditës i vendimit të ligjshëm të GJKKO, Lubia e arriti pas një telelefonate që pati në mesnatë me Ramën. Ajo e njoftoi Ramën se SMS-t për tunelin e Palloshit të gjatë, dhe jo vetëm për atë që ai ka shkëmbyer me Lubinë, por dhe me vetë Ervis Berberin, i cili paska patur maninë që çdo mesazh t’ia ridërgojë jo vetëm zonjës së tij, por edhe në disa drejtime të tjera, do të bëhen publike në rast se ai nuk dërgon si kryeministër padinë brenda ditës së nesërme në Gjykatën Kushtetuese. Lubia, në tërbim të pakufishëm, e siguroi Ramën se pas saj, ai e kishte radhën. Kështu që Rama, të cilit i dridhen leqet e këmbës nga kërcënimi i çmendur i Lubisë, urdhëroi në mëngjes herët, tashmë i ‘palosur’, Don Agaçion të përgatiste dhe dorëzonte me urgjencë në emër të Këshillit të Hajdutëve në Gjykatë Kushtetuese padinë… në emër të telefonatës që pati Lubia! Cili-viu, viu-viu, kush ia bën ia bën vetiu? Keni parë, a s’keni parë, shkon i vdekuri me të gjallë…
