Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Luli mundohet, por s’bëhet!" Rama takim me shtabin në Elbasan: Sa foli gjeli, bufi ia shkuli puplat! PD as 5 deputetë pa Dash Sulën
M.B.Përditësimi i fundit 28 Mars 2025, 17:54
ELBASAN- Kryeministri Edi Rama ka zhvilluar sot edhe një takim me shtabin elektoral të PS-së në Elbasan. Gjatë takimit Rama iu referua përsëri deputetit demokrat Dash Sula, duke pyetur shtabin se “çfarë thotë Dash Sula”.
“E, sa foli ai e kullufiti bufi”, tha Rama.
Duke iu kthyer garës në Elbasan, Rama u shprehur se PD as 5 deputetë nuk i merr dot në Elbasan, pasi Berisha sipas tij e ka mendjen se si të mos njohë rezultatin më 12 maj, duke futur në lista të besuarit, sesa të fitojë.
Pjesë nga fjala e Ramës:
Puna është kur ngatërrohen fushat, se nëse ai do ta çojë në Karavasta, gati jemi ta ndihmojmë, ta çojë fushave, te këneta e vërtetë. Bufi në Tiranë ngeli duke ngrënë demokratët, gjej e ha, gjej e ha. Dash Sula i shkretë sa doli, e kullufiti, i ikën puplat. Por me të vërtetë është budallik, se po të më pyesje mua, nga të gjithë ata për në Elbasan, ai ishte më i forti. E mori bufi dhe klluf! Ata e hëngrën se u shfaqën, ndaj. Ata të Primareve, i hoqi të gjithë ai se u shfaqën... Luli mundohet, por s’bëhet... nuk bëhet edhe pse mundohet!
Ata edhe po kapën 5-ën, mirë, po vështirë do jetë. Me çfarë po shoh unë, edhe 5-ën vështirë e kanë. Me gjelin mund ta kapnin pesën ata. Se ai gjel, gjel mo. Unë s’e dija që ishte edhe në Primare ai, madje edhe se e kishin futur në listë të hapur, por atë nuk e paskan vënë fare. Unë s’e dija këtë. Lista e mbyllur e PD është listë humbëse. Bufi e di që e ka të sigurt humbjen dhe më 12 maj do dalë të thotë i vodhi, mafia ndërkombëtare, Sorosi, etj.
