Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
POLITIKE
Protesta e opozitës/ Korreshi: Sot duhet të dalim të gjithë në shesh
PiranjatPërditësimi i fundit 10 Shkurt 2026, 10:15
Deputeti i PD-së, Saimir Korreshi fton të gjithë shqiptarët t’i bashkohen opozitës sot në orën 17:00 para kryeministrisë për të rrëzuar qeverinë Rama.
“Sot duhet të jemi të gjithë në shesh. E gjithë kjo harbuteri e makuteri shtetërore po na e hedh gëlbazën në surrat. Nëse vijnë shumë bëhet një batalion i madh dhe aty është frika e Ramës” tha Korreshi në një video- intervistë me ‘Kafe Shqeto’ në Syri Tv.
Duke e quajtur ‘precedent të rrezikshëm’ Korreshi shpjegon dhe arsyen pse Rama refuzon të shqyrtojë kërkesën e SPAK për heqjen e imunitetit të zëvendëskryeministres Belinda Balluku.
“Kjo krijon absolutisht precedent të rrezikshëm. Janë tentuar të intimidohen dëshmitarë. Unë jam i 100% i sigurt që Rama i ka parë provat (Provat e SPAK për Ballukun) para nesh. Nuk mund të krijohet ky precedent i rrezikshëm që do të thotë të rrëzohet kodin e procedurës e t'i japë këtij, çfarë, imunitet të përjetshëm qeverisë, të ardhshëm
Nuk është frika vetëm tek ministrat e tij, por frika është te Rama. Ai ka frikë se çohet në mëngjes dhe shikon që SPAK-u apo Gjykata e Lartë ja ka firmosur urdhrin arrestin. këtë ka merak, asgjë tjetër'', tha Korreshi.
