Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Marrëveshja PD-PS njeh dokumentet shqiptare të skaduara/ Berisha kërkon të njihen edhe dokumentet biometrike të shqiptarëve të BE, Gjiknuri: Hapja e sistemit krijon probleme
r.llPërditësimi i fundit 20 Janar 2025, 16:36
foto ilustruese
TIRANË- Kryetari i Partisë Demokratike, Sali Berisha, në një deklaratë për shtyp, theksoi dy parime të rëndësishme për zgjedhjet e ardhshme. Së pari, ai theksoi se nuk duhet të ketë asnjë pengesë për qytetarët shqiptarë për shkak të skadimit të dokumenteve të identifikimit. Së dyti, ai kërkoi që çdo dokument biometrik të cilido shteti ku ata ndodhen, të konsiderohet i vlefshëm për të votuar për qytetarët shqiptarë me të drejtë vote.
"Së pari, parimi ynë, asnjë pengesë nuk duhet të ketë për qytetarët shqiptarë për shkak të skadimit që disponojnë. Së dyti, çdo dokument biometrik i cilido shteti që ata ndodhen, duhet të konsiderohet i vlefshëm për të votuar qytetari shqiptar me të drejtë vote. Pra, jo vetëm afati, por edhe e drejta e tyre për të votuar me dokumente që disponojnë të shtetit ku janë. Karta identiteti apo pasaporta, çfarëdo që të kenë, mjafton të jenë biometrike, ato duhet t’i konsiderojmë të vlefshme për votën e tyre.", u shpreh Berisha.
Nga ana tjetër, Sekretari për Organizimin dhe Çështjet Zgjedhore në PS Damian Gjiknuri, në një intervistë, tha se propozimi i liderit demokrat është është një problem serioz, sepse të dhënat biometrikë të shqiptarëve janë marrë pas vitit 2008. Sipas tij, hapja e sistemit krijon probleme dhe unë nuk dihet se çfarë shqetësimesh mund të sjellin.
"Këtu ka dy elementë, principali dhe praktikë. Principali është se ne kur kemi bërë dispozitat e kodit zgjedhor për diasporën e kemi përcaktuar që shtetasi duhet të ketë mjet identifikimi, ID dhe pasaportë, ku pavarësisht se ku jetojnë këto duhen me patjetër. Nga ana praktike është një problem serioz, sepse të dhënat biometrikë të shqiptarëve janë marrë pas vitit 2008. Hapja e sistemit krijon probleme dhe unë nuk e di se çfarë shqetësimesh mund të sjellin dhe unë nuk dua të eksperimentoj. Pjesa më e madhe atyre që kanë aplikuar gjatë këtyre katër javëve, pjesa dërrmuese e tyre, vetëm 800 ose 900 nuk kanë mjet identifikimi. Nuk është problem aq i madh, për kohën e mbetur nuk kemi pse ndryshojmë rregullat e lojës. Mendoj që me këtë gatishmëri që po tregojmë për heqjen e pengesën për vleftësisë së dokumentit të lëshuar mendoj që hapet hapësira për qytetarët që jetojnë në diasporë.", u shpreh Gjiknuri.
