Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Mbledhja e Kryesisë së PD-së/ Berisha: Sot miratojmë kandidaturat për procesin e primareve
b.zPërditësimi i fundit 20 Shkurt 2025, 12:58
Sali Berisha
TIRANË - Kreu i Partisë Demokratike, Sali Berisha ka deklaruar në mbledhjen e kryesisë, se sot do të miratohen kandidaturat për procesin e primareve. Berisha u shpreh se procesi i primareve është nga më themelorët për të qenë kandidatë për deputetë në Kuvendin e Shqipërisë nga PD.
Berisha u ndal edhe te programi i PD, i cili sipas tij është program që do të ndryshojë gjendjen aktuale të Shëipërisë. Berisha thotë se ky program synon vendosjen e minimumit jetik për çdo qytetar shqiptar, vendosjen e rrogës minimale 500 euro, vendosjen e kartës së konsumatorit që përbëjnë 450 euro për çdo pensionist në vit dhe për ata që janë në minimumin jetik.
Pjesë nga fjala e Berishës:
Sot në këtë mbledhje ne miratojmë kandidaturat e qindra e qindra aktivistëve, drejtuesve, demokratëve, mbështetësve tanë, të cilët kanë shprehur gatishmërinë e tyre për të marrë pjesë në procesin e primareve, proces ky nga themelorët për të qenë kandidatë për deputetë në Kuvendin e Shqipërisë nga PD. Unë kam një falënderim shumë të veçantë për secilin. Të gjithë ata që morën pjesë në këtë proces. Besimin që ata shprehën tek PD. Vendosmërinë e tyre për të vazhduar, apo ndërtuar sipas rastit, ëndrrën e tyre më të bukur politike në gjirin e kësaj partie. Ka pasur një numër të madh kërkesash, kandidaturash dhe kjo është dëshmi e shkallës së lartë të besimit që kanë shqiptarët tek PD. Por para se të kalojmë në trajtimin e listave të përcjella nga degët e PD të Shqipërisë, duhet të ndalem në disa momente më kryesore, me zhvillimet më të rëndësishme. Mendoj se ndër zhvillimet më të rëndësishme dhe me interesin më të madh për shqiptarët ka qenë paraqitja e programit të PD për çështjet më thelbësore të qytetarëve shqiptarë. Program, i cili jo vetëm që u jep përgjigje problemeve të rënda të akumuluara këto 12 vite, por u jep përgjigjen më të shkëlqyer, u jep përgjigje dhe zgjidhje më të mirë në interesin e çdo qytetari problemeve madhore me të cilat përballet individi dhe shoqëria shqiptare sot. Ky program synon ndarjen me shpejtësi të Shqipërisë nga varfëria e skajshme. Me shpejtësi të rrufeshme, duke u angazhuar në një shpërndarje të re të të ardhurave buxhetore. Ky program pra me vendosjen e minimumit jetik për çdo qytetar shqiptar, vendosjen e rrogës minimale 500 euro, 25 përqind më e lartë se kjo që është sot, vendosjen e kartës së konsumatorit që përbëjnë 450 euro për çdo pensionist në vit dhe për ata që janë në minimumin jetik. Uljen e ndjeshme të çmimit të energjisë, të ujit. Ky program i jep një hapësirë të re shumë më të madhe lirisë ekonomike, lirisë së biznesit.
