Teksa vizitoi Edison Adrin, efektivin e plagosur rëndë në Spitalin e Traumës në Tiranë, kryepolici Skënder Hita bëri e...
POLITIKE
Mbrojtja e pronës dhe territorit, Rama: Kjo paketë nuk është e përkryer, do prishim ndërtimet pa leje
PiranjatPërditësimi i fundit 9 Shtator 2025, 12:35
Kryeministri Edi Rama duke folur nga prezantimi i paketës së masave ligjore për mbrojtjen e pronës dhe territorit tha se gjatë gjithë këtij mandate do vazhdojë ofensiva te ndërtimet pa leje.
Rama theksoi se çdo ndërtim pa leje do të rrëzohet në tokë dhe se nuk do të ketë tolerime.
“Siç nuk ka asgjë të përkryer nuk është e tillë as kjo paketë, por është një tërësi masash që do të na japin mundësinë të kemi në dorë instrumente të reja për të mbrojtur territorin, duke nisur që nga suksesi përfundimtar i një ofensive që do të zgjasë mbase edhe gjatë të gjithë mandatit të ri për ndalimin pa kthim të çdo frymëzimi për të ndërtuar pa leje, deri tek mbrojtja e autorësisë së projekteve arkitektonike që gjatë të gjithë kësaj kohë, që kur në Shqipëri ka nisur ndërtimi nga sipërmarrja e lirë, janë deformuar dhe përdhunuar në formën e tyre nga ndërhyrja e ndërtuesve. Kjo i kthen në formale filtrat që vendosen për të garantuar që projekti plotëson standarded dhe një tjetër pasojë e konsiderueshme, mashtrimi që u bëhet blerësve, duke u shitur objektin që ka marrë leje me pamjet specifike, ndërsa në fund pamja është si një kushëri i largët që sapo ka dalë i qethur e i rruar nga berberi dhe me trupin e deformuar”, tha Rama.
