Presidenti amerikan, Donald Trump ka deklaruar se nuk i intereson nëse vendet e Gjirit do të takohen me Iranin të hënën për t&eu...
POLITIKE
Mbrojtja e të akuzuarve kthehet në kryefjalën e konferencës së Ramës
PiranjatPërditësimi i fundit 30 Dhjetor 2025, 15:11
Kryeministri Rama mbajti sot konferencën me gazetarët, ku ndër të tjera ajo që mori më shumë vëmendje është fjala “korrupsion”.
Prej kohësh hetimet kanë nisur dhe shumë zyrtarë të lartë janë marrë të pandehur.
Ky vit për Edi Ramën mund të konsiderohet viti i shpërthimit të flluskës së madhe të korrupsionit qeveritar, nga Veliaj tek Balluku e AKSHI, janë tregues se morali i qeverisë ka rënë.
Duket se pas perdes së korrupsionit tashmë fshihet vetëm një emër dhe ai është Edi Rama.
Rama tha sot se prokurorët e SPAK nuk duhet të merren me “pabarazinë në tendera”, sepse nuk ju takon atyre, po ashtu nga goja e tij u dëgjuan dhe fjalët “mesazhet nuk janë prova”.
Te ky përfundim Rama arriti pas dosjes së nxehtë së Belinda Ballukur por dhe asaj të AKSHIT.
Në media thuhet se Belinda Balluku ka kërcënuar Edi Ramën, kurse AKSHI-n, Arben Ahmetaj ish numri dy i qeverisë e ka cilësuar kopshtin privat të Ramës.
Këto dy dosje të forta që kanë tronditur qeverinë, po e çojnë qeverinë drejt përplasjes me institucionet e drejtësisë, herë duke ju thënë se është ai që ju dha shpatën e herë duke bërë presion me rrogat e gjyqtarëve.
Fill pas kësaj, Rama thotë se ka komunikuar vetë me biznesmenët që kanë dalë në dosje.
Atëherë a janë mesazhet prova?
Pse duhet vetë kryeministri të merret apo ndërhyjë në procese tenderimi dhe a kemi të bëjmë haptazi me trajtimin e parave publike si të ishin paratë personale?
Më tej Rama luan rolin e një njeriu që se di ende se pse janë akuzuar bashkëpunëtorët e tij.
Pra herë nuk di fare akuzat në rastin Veliaj dhe herë vendos të kritikojë drejtësinë për Ballukun e AKSHI-n.
Megjithatë ai është në dijeni që ky vit mbyllet me bilanc të rëndë për Ramën, madje dhe zgjedhjet e majit u kritikuan nga OSBE pasi ishte vërejtur përdorimi i admnistratës publike në favor të PS-së.
Raporti me Veliajn është një tjetër pikë ku Rama nuk e ruan dot koherencën, pasi sot tha ende nuk e di se çfarë ka bërë Veliaj.
Pra kryeministri mori vendim për zgjedhje në Tiranë, pa e ditur se pse akuzohet Veliaj.
Dhe fakti që ju rikthye mbrojtjes lidhet me sondazhet që nxirrnin pothuajse kokë më kokë kandidaten e PS dhe kandidatin e pavarur mbështetur nga opozita Florjan Binaj.
Pas kësaj Rama tha se Veliaj më mirë të dalë të ushtrojë detyrën.
Konferenca e sotme ishte e nevojshme, por sërish mungon një zotim dhe mungon argumenti se çfarë e shtyn Ramën që kryefjalën e viti ka “mbështetjen dhe mbrojtjen” për bashkëpunëtorët e kapur në vjedhje./PiranjatNews
Kryeministri Edi Rama u ndal edhe te arrestimi i Erion Veliajt, teksa tha se kryebashkiaku i Tiranës mbahet në paraburgim pa gjyq. Ai theksoi se ten...
