Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Mbyllja e platformës TikTok/ Sot protesta e opozitës në Tiranë, Berisha: Kur fjala e lirë kërcënohet, heshtja nuk është përkufizimi
M.B.Përditësimi i fundit 15 Mars 2025, 07:55
TIRANA- Opozita ka kërkuar 2 orë leje për protestën e ditës së shtunë, sot, kundër mbylljes së platformës TikTok, konkretisht nga ora 19:00 deri në orën 21:00. Këtë protestë kreu i Partisë Demokratike, Sali Berisha njoftoi fill pas vendimit të qeverisë për mbylljen e plaftormës duke ftuar që të marrin pjesë në veçanti të rinjtë.
Sipas shkresës dorëzuar në Drejtorinë Vendore të Policisë Tiranë, PD ka njoftuar se qytetarët do të mblidhen në bulevardin “Dëshmorët e Kombit”, para godinës së kryeministrisë.
Policia ka bërë gati edhe planin e masave për mbarëvajtjen e kësaj proteste, ku do të bllokohen të gjitha rrugët që lidhen me bulevardin “Dëshmorët e Kombit”, si dhe do të ketë devijime në disa prej tyre. Në gatishmëri do të jenë edhe forcat RENEA, nëse do të duhet ndërhyrja e tyre. Ndërsa punonjës të Gardës së Republikës do të marrin në ruajtje institucionet e rëndësisë veçantë.
Kreu i Partisë Demokratike Sali Berisha pasditen e djeshme ka bërë një postim në rrjetet sociale që lidhet me protestën kundër mbylljes së platformës TikTok. Berisha ka postuar një imazh ku shkruhet "Ky ishte një post, por Edi Rama e ka censuruar!" Ai shton se kur jala e lirë kërcënohet, heshtja nuk është përkufizimi. Gjithashtu Berisha i bën thirrje qytetarëve që të bashkohen në protestë.
