Presidenti i Shteteve të Bashkuara, Donald Trump, ka zhvilluar kontakte me disa media amerikane dhe ndërkombëtare pas sulmit me raketa të ...
POLITIKE
Çmimi i naftës/ Rama justifikohet: Fajin e ka lufta! Kush shpenzon më shumë naftë, paguan më shumë
PiranjatPërditësimi i fundit 31 Mars 2026, 17:08
Kryeministri Edi Rama ka folur sërish per rritjen e çmimit të naftës në vend, e cila ka ardhur si pasojë e konfliktit në Lindjen e Mesme. Nga njësia 7, Rama tha çmimi i naftës është rritur kudo në Europë. Sipas tij, qytetarët nuk mund ta bëjnë të padukshme rritjen. Kryeministri theksoi se do krijohet një kompani publike që do ndikojë në çmimin e naftës duke mbajtur anën e konsumatorëve, jo të distributorëve.
“Njerëzit janë të shqetësuar për çmimin e naftës që rritet si rezultat i një lufte që as e kemi hapur ne dhe as na ka pyetur njeri, dhe që është një luftë kundër një vendi ku ka një regjim armiqësor ndaj nesh. Njerëzit e kanë kuptuar sesi impaktohemi ne nga një krizë që ndodh gjetkë. Çmimi i naftës është rritur kudo dhe ka shkuar shumë më lart, në disa vende që janë në mes të Europës.
Faktikisht po bëjmë diçka shumë të rëndësishme; edhe të duam të ulim çmimin e naftës dhe ta bëjmë të padukshme rritjen, zakonisht ai është më i lartë në disa vende rreth e rrotull, sepse aty kemi dhe taksën e qarkullimit. Nëse ne e heqim taksën, çmimi do të bjerë, por ata që kanë një automjet do të duhet të paguajnë katërfishin. Kush shpenzon më shumë naftë, paguan më shumë.
Përtej kësaj që është struktura, ne kemi marrë përsipër të bëjmë një transformim të mënyrës si zhvillohet aktiviteti në tregun e naftës, duke krijuar një makineri publike që do të garantojë rezerva. Duam që kjo kompani publike të jetë edhe furnizuese dhe të ndikojë në çmimin e naftës duke mbajtur anën e konsumatorëve, jo të distributorëve. Shumë shpejt do të fusim një produkt të fortë që do jetë i vështirë të manipulohet.” tha Rama.
