Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
POLITIKE
“Mitsotakis e priste fitoren e Ramës”/ Beleri: Opozita duhet të bëjë gjithçka, qoftë dhe dorëheqjen e kryetarit!
E.DPërditësimi i fundit 19 Maj 2025, 18:35
TIRANË- Fredi Beleri, ka deklaruar se kryeministri grek Kyriakos Mitsotakis e priste fitoren e Ramës në zgjedhjet e 11 majit. Duke folur për “Shqipëria Live” Beleri kritikoi dhe opozitën për këtë humbjen, duke u shprehur se duhet të mbajnë të gjithë përgjegjësi, i pari Sali Berisha. Ai theksoi se opozita duhet të bëjë gjithçka dhe të ndryshojë situata. Ndër të tjera ai u shpreh se Mitsotakis është dashamirës i Shqipërisë dhe një nga kryeministrat që i dëgjohet zëri në Europë.
“Të dielën votojnë PS, të hënën kërkojnë vizë për Europë. Të njëjtët njerëz. Nuk është normale. Opozita duhet të bëjë gjithçka. Qoftë dhe dorëheqjen e kryetarit që të sensibilizohet populli. Të ndryshojë situata. Nëse rezultati nuk arrihet, atëherë duhet të mbajnë përgjegjësi të gjithë, i pari kryetari.
Unë jam te komisioni parlamentar BE-Shqipëri. Sa herë që të bëjë komisioni ynë mbledhje , do jem i pranishëm. Nëse do të jetë Rama aty, atëherë fatkeqësisht do e kem përballë. Nuk mund të ankohen për Ramën se vetë e votuan.
Mitsotakis e priste që Rama do fitonte. Ai thotë që neve nuk na duhet kush do jetë. Mitsotakis është dashamirës i Shqipërisë dhe një nga kryeministrat që i dëgjohet zëri në Europë. Shpresoj që të normalizohen marrëdhëniet. Nëse shqiptarët janë të kënaqur me rezultatin, me kandidatë të rinj që shpartallojnë ish-ministrat në zgjedhje, atëherë Mitsotakis është i kënaqur”, u shpreh Beleri.
