Pas paraqitjes së fjalës përfundimtare nga kryeprokurorja Kimberly West dhe prokurori i rastit, Prokuroria e Specializuar në Hagë ka ...
POLITIKE
Monika Kryemadhi paraqitet në GJKKO, mbahet seanca paraprake
PiranjatPërditësimi i fundit 29 Janar 2026, 10:33
Sot mbahet në GJKKO seanca e radhës paraprake për dosjen në ngarkim të Ilir Metës, Monika Kryemadhit dhe personave të tjerë.
Në gjykatë janë paraqitur ish deputetja Kryemadhi si edhe avokati i kreut të PL, Kujtim Cakrani.
Kryemadhi përshëndet gazetarët, të cilët i kërkojnë t’i bëjnë pyetje por në një moment ajo dëgjohet duke thënë se “tani do të hyjmë ne”.
Kujtojmë që SPAK i mbylli hetimet më 28 korrik, ndërsa dosjen e kaloi për gjykim në fund të gushtit. Hetimi përfshin tre çështje të bashkuara në një dosje, aferën CEZ-DIA, lobimin e LSI-së në SHBA dhe hetimin pasuror.
Meta dhe Kryemadhi akuzohen për korrupsion pasiv, pastrim parash dhe mosdeklarim pasurie. Pirro Xhixho akuzohet për korrupsion pasiv të funksionarëve të lartë, të kryer në bashkëpunim, ndërsa nëna e ish deputetes, Fatime Kryemadhi për pastrim parash, së bashku me Ema Çokun.
Meta ndodhet në burg që nga tetori 2024, ndërsa ndaj Monika Kryemadhit është vendosur masa e sigurisë “detyrim paraqitje”.
Meta ka kërkuar disa herë ndryshimin e masës së sigurisë dhe lirimin nga qelia por është rrëzuar nga të tre shkallët e gjyqësorit. Një ditë më parë, ai bëri sërish ankimim në Apelin e GJKKO kundër vendimit të dhënë nga Shkalla e parë. Po ashtu Meta i është drejtuar edhe Gjykatës Kushtetuese për lirimin nga qelia.
nga Klodian Tomorri:
Gjykata Kushtetuese po ben grusht te bute shteti
Per cfare i duhet gjithe kjo kohe Gjykates Kushtetuese per te marr vendim? Keta nu...
